web counter
LEXO PA REKLAMA!

SHKARKO APP

App Store
Google Play

Tjetër Luftë e Ftohtë?!/Rusia paralajmëron Evropën!

15 Prill 2017, 17:40, Aktualitet CNA

Një deklaratë e fortë është bërë nga lideri i fundit i Bashkimit Sovjetik, Mikhail Gorbachev. Ai i ka bërë thirrje Perëndimit të ?ripërtërijë besimin? me Rusinë, duke paralajmëruar se dy kundërshtarët e vjetër, janë nisur drejt një Lufte të Ftohtë.

?Të gjitha indikacionet e Luftës së Ftohtë janë këtu?, tha ai në intervistën dhënë për gazetën gjermane Bild.

?Gjuha e politikanëve dhe personelit të lartë ushtarak po bëhen gjithnjë e më shumë militante. Doktrinat ushtarake janë formuluar dhe janë gjithnjë e më të ashpëra. Media po i shton benzinë zjarrit. Marrëdhëniet mes dy fuqishme më të mëdha po vazhdojnë të përkeqësohen?, ka thënë ai, raporton REL.

Sipas Gorbachev, një garë e re e armëve mes Rusisë dhe Perëndimit tashmë ka nisur.
?Nuk është vetëm e pashmangshme. Në disa vende, tashmë ka aktivitet të plotë. Trupat janë vendosur në Evropë, duke përfshirë edhe pajisje të rënda, të tilla si tanket dhe makinat e blinduara?, është shprehur ai.

Gorbachev ka thënë se ?Lufta e re e Ftohtë?, mund të shdërrohet në luftë të nxehtë, nëse dy palët nuk bëjnë asgjë për ta parandaluar. ?Gjithçka është e mundur?, nëse përkeqësimi aktual i raporteve vazhdon, ka thënë ai./CityNews





Lajmet e fundit nga