Meta me dosje në dorë/ Ja marrëveshja me të cilën u ul sot në takim me Ramën

15 Prill 2017, 09:02, Aktualitet CNA

Ditën e sotme, ndërsa pritej që të zhvillohej takimi mes dy krerëve të partive PS-LSI, ku do të vendosej fati për koalicionin, Ilir Meta, kreu i LSI u pa me një dosje në dorë.

Menjëherë gazetarët e pyetën për këtë dosje dhe për faktin nëse Meta po i shkonte Ramës me një marrëveshje të re.

Por jo, Ilir Meta tha para gazetarëve se në dosje mbante marrëveshjen e vjetër, atë që është shkruar nga ai dhe Edi Rama në vitin 2013, e cila është akoma në fuqi.

Madje ai e nxori dokumentin, ku lexoi: Karta e parimeve të bashkimit PS-LSI?, ku theksohet e zeza mbi të bardhë, që ky koalicion do të punojë edhe në funksion të; ?zgjerimit të konsensusit politik mbi bazën e vullnetit popullor, të shprehur me zjedhje të lira e të ndershme./CityNews

Ky është dokumenti i plotë me të cilin shkoi sot Meta në takimin me Ramën:

Partia Socialiste dhe Lëvizja Socialiste për Integrim,

Me shqetësimin e përbashkët për situatën kritike të demokracisë, ekonomisë dhe shoqërisë shqiptare sot;

Me bindjen e përbashkët se sot institucionet e pavarura të vendit, kanë dalë jashtë kontrollit kushtetues të popullit sovran dhe janë kthyer në zgjatime të rrezikshme të partisë në pushtet;

Me vlerësimin e përbashkët, për rëndësinë e jashtëzakonshme që ka sot në të gjitha planet për Shqipërinë, rotacioni politik dhe vendosja e ekuilibrit kushtetues mes pushteteve, institucioneve të pavarura dhe qytetarëve;

Me vetëdijen e përbashkët, për domosdoshmërinë e intensifikimit të procesit të integrimit të Shqipërisë në Familjen Europiane, përmes zgjerimit të konsensusit politik mbi bazën e vullnetit popullor të shprehur me zgjedhje të lira e të ndershme;

Me synimin e përbashkët, për t?u dhënë shqiptarëve një qeveri të shumicës reale duke garantuar, përmes bashkimit të të gjitha forcave që Shqipërinë Europiane e kanë vizion atdhetar dhe jo slogan propagandistik, paprekshmërinë e votës së lirë si themelin e bashkëjetesës sonë në një shtet e shoqëri europiane;

Me vullnetin e përbashkët, për të realizuar reforma të thella që do të sjellin transformime rrënjësore në funksion të demokratizimit e të modernizimit të vendit si edhe të zhvillimit të qëndrueshëm ekonomik me punësim real e cilesor dhe shërbime publike sipas nevojës;

Me qellimin e përbashkët, për t?i dhënë Shqipërisë një rol të ri aktiv në bashkëpunimin rajonal përmes nxitjes e promovimit të projekteve të zhvillimit demokratik dhe ekonomik, ku marrëdhëniet me Kosovën të ngrihen në nivelin e një partneriteti të ri strategjik, ku mbrojtja e pakicave të garantohet me një vetëdije të re si një pasuri e përbashkët e rajonit tonë dhe ku vetë Shqipëria si i vetmi vend anëtar i NATO-s mes vendeve ende të pa anëtarësuara në BE të Ballkanit pas anëtarësimit të afërt të Kroacisë, të bëhet modeli frymëzues i respektit për vlerat e parimet e botës demokratike;

Me përgjegjësinë e përbashkët historike, për t?i dhënë Shqipërisë sot një forcë të re të progresit si garanci për mirëqeverisjen e vendit, përmes bashkimit të të gjithë socialistëve e të progresistëve, duke nxjerrë mësimet e duhura nga eksperiencat pozitive po edhe nga gabimet e të shkuarës, si edhe duke marrë përsipër barrën e promovimit të idealeve e të ideve të së majtës së re të shekullit XXI;

Vendosin:

Të bashkohen në kuadrin e koalicionit

?Aleanca për Shqipërinë Europiane?

Partia Socialiste e Shqipërise dhe Lëvizja Socialiste për Integrim, bien dakord që ky bashkim të jetësojë sa më poshtë vijon:

respektit për historinë si burim frymëzimi për të ardhmen, jo si gjenerator dasish e konfliktesh të së shkuarës.

Karta e Parimeve të bashkimit PS ? LSI në kuadrin e koalicionit Aleanca për Shqipërinë Europiane do të shtjellohet me detaje në programin qeverisës të koalicionit. Këto parime do të kihen parasysh edhe në hartimin e marrëveshjes së veçantë që PS dhe LSI do të bëjnë për zgjedhjet vendore të vitit 2015. Çdo ndryshim në Kartën e Parimeve mund të bëhet vetëm me konsensus përmes një amendamenti me shkrim të firmosur nga kryetarët e PS dhe LSI.

Firmosur, sot, më datë 22 prill 2013.

Për Partinë Socialiste Për Lëvizjen Socialiste për Integrim

_____________________ ______________________

Edi Rama Ilir Meta