web counter
LEXO PA REKLAMA!

SHKARKO APP

App Store
Google Play

E fundit!

x

Foto-Video/Si u zbulua kamioni me drogë në Kapshticë, kush është trafikanti

15 Prill 2017, 12:45, Aktualitet CNA

Policia Kufitare e Kapshticës ka hënë detaje për goditjen e një tjetër rasti të trafikut ndërkombëtar të lëndëve narkotike.

Mësohet se janë sekuestruar 99 tuba plastike të mbushura me drogë të presuar, të dyshuar Cannabis Sativa, gjithsej 71 kg.

Ndërkohë është vënë në pranga drejtuesi i shoferit, shtetasi Qani Mançe, 60 vjeç, banues në Tiranë.

Informacioni i plotë:

Më datë 15.04.2017, ky shtetas u paraqit në dalje të Republikës së Shqipërisë, me mjetin kamion të markës “SCANIA” me targa AA273DY dhe rimorkio me targë TR0148K.
Nisur nga dyshimet e shfaqura, ky mjet u përzgjodh nga shërbimet e Policisë Kufitare, në bashkëpunim me Doganën, për verifikim në vijën e dytë.

Gjatë kontrollit në skaner, u shfaqën dyshime se në pjesën e tavanit të rimorikios, mund të ishte fshehur lëndë narkotike.
Konkretisht në brendësi të tubave metalikë të cilët mbanin skeletin e mbulesës së rimorkios, u konstatuan 99 tuba të tjerë plastikë me ngjyrë portokalli.
Në përfundim të veprimeve të para hetimore, specialistët e Seksionit për Narkotikët, në Drejtorinë Vendore të Policisë Korçë, kanë bërë peshimin e lëndës narkotike së bashku me tubat plastikë ku në total pesha e tyre rezultoi 71 Kg.
Materialet për hetime të mëtejshme i kaluan Prokurorisë së Krimeve të Rënda, Tiranë./CityNews

 





Lajmet e fundit nga