E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Deputeti ish-gazetar i dha gazetarit dajak me “kartolinë” nga pas

14 Prill 2017, 17:41, Aktualitet CNA

Deputeti donte që jo vetëm ta rrihte gazetarin por edhe t? i jepte të kuptonte viktimës dhe të gjithë opinionit publik se kishte qenë ai që e kishte rrahur. Por në rradhë të parë deputeti donte që t? ia jepte të kuptonte këtë gjë gruas së tij. Që nga dita që ky gazetari nxorri lajmin se deputeti ishte bërë aksioner i një banke me anë të gruas së dytë, gruaja e deputetit u trondit shumë. Ajo e kishte pak a shumë të qartë se po bënin një veprim në kundërshtim me ligjin dhe që ishte i dënueshëm. Por bashkëshorti i kishte thënë të mos kishte frikë, se ai kishte shtetin në anën e tij. Askush nuk do të guxonte ta nxirrte lajmin për blerjen e aksioneve të bankës.

-Unë ua di të gjithë pisllëqet kolegëve të mi gazetarë si dhe pronarëve të medias, madje pjesën më të madhe të të cilëve kam punuar, kështu që asnjë prej tyre nuk do të guxojë të nxjerrë lajmin që gruaja ime është bërë aksionere në një nga bankat më të mëdha të vendit.- I thoshte deputeti gruas së tij.

Gruaja e dëgjonte dhe e besonte. Por në janar doli lajmi për atë që kishin bërë dhe bëri bujë të madhe. Prokuroria nisi hetimet. Gruaja e deputetit u tremb shumë. Vetë deputeti u tërbua se e kuptoi që me këtë që ndodhi atij ia kishin fshirë emrin nga lista e kandidatëve për deputetë në zgjedhjet e ardhshme. Kryetari i partisë nuk po iu përgjigjej më telefonatave të tij, gjë që i ra në sy gruas, e cila ia kontrollonte telefonin. Pasi të dy, deputetin dhe gruan e tij i thirrën në Prokurori, gruaja u tremb edhe më shumë dhe shkoi të këshillohet me një mikun e tyre të përbashkët, pa i treguar të shoqëit. Ky miku, kur ajo i kërkoi të fliste me sinqeritet të plotë, i tha që burri i saj për të shpëtuar karrierën politike, edhe mund ta linte në baltë, duke thënë se nuk e dinte se ku i kishte gjetur ajo paratë për të blerë aksionet e bankës.

Ky dikushi, që ishte miku i tyre i përbashkët, i tha gruas së deputetit se burri i saj ishte nga ata që kur ta shihte veten shumë ngushtë nuk do të hezitonte që të fliste kështu:

-Unë kisha një ide se gruaja ime mund ta ketë bërë shumën duke kursyer, por tani që po e kuptoj se kjo nuk është e mundur, le të përgjigjet para ligjit, unë e kam thënë edhe në fushatën elektorale kur u bëra deputet që në luftën kundër korrupsionit nuk do të fal as njerëzit e mi më të afërt. Ishte premtimi im elektoral për popullin e Peqinit që më dha votën, tani më erdhi rasti të tregoj se e mbaj fjalën.

Deputeti që ato ditë e mbante gruan e vet nën survejim të plotë nga frika se mos bënte ndonjë gafë, e pyeti për takimin me mikun e tyre të përbashkët. Gruaja, duke përfituar nga rasti ia tha copë fjalët e tjetrit.

Deputeti heshti dhe nuk foli me gruan për disa ditë, deri në 8 mars. Atë ditë gruaja i foli e para:

-Sot kanë rrahur atë gazetarin, e more vesh?

-E dashur, kjo është dhurata ime për këtë 8 mars për ty. Dhe ai horri e ka marrë mesazhin që të mësohet t? i respektojë gratë e të tjerëve, jo t? i përflasë. E ka marrë dajakun me ?kartolinë? nga pas.- I tha deputeti.

-Por a nuk të duket si shumë e lexueshme dora që qëndron pas kësaj ?kartolinës?, domethënë që në 8 mars, ditën e festës së grave rrihet gazetari që zbuloi pasurinë e gruas së deputetit?- I tha e shoqja.

-Këtu qëndron gjenialiteti im, e dashur,- tha deputeti,- kush do të guxojë ta thotë këtë kur e di se e pret dajaku me ?kartolinë? nga pas!

Deputeti, megjithëse mburrej, donte të dinte se çfarë mendonte në të vërtetë gazetari i rrahur, dhe për këtë arsye i dërgoi një spiun në zyrë. Spiuni pasi i ra rreth e rreth muhabetit, e pyeti për disa satira që kishte botuar gazetari në portalin e tij, dhe ku aludohej se fajtori për rrahjen e tij ishte dikush tjetër. Gazetari që e kuptoi se ku e kishte hallin i dërguari, i tha:

-O mik, kur ty të qëllon me shkelm gomari, a shan gomarin apo të zotin e tij? Edhe me gomarin do të merresh por më parë duhet t? ia thuash dy fjalë të zotit të tij, që e ka nxjerrë në rrugë në mes të njerëzve.