E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

Denoncimi në CityNews/Sekuestrohet pasuria e Alfred Pezës, deputeti rrezikon burgun

13 Prill 2017, 18:59, Aktualitet CNA

CityNews raportoi në janar të këtij viti për një super skandal, në të cilin ishte përfshirë deputeti i Partisë Socialiste, Alfred Peza. Përmes një investigimi, CityNews zbuloi se si Peza u bë aksioner i madh në pak kohë deputet. Ai rezultonte të ishte aksioner në një bankë të nivelit të dytë në vend, ku nëpërmjet bashkëshortes së tij kishte blerë 1% të aksioneve me vlerë 1.13 miliardë lekë.

Lajmi i publikuar nga CityNews më 13 janar 2017 bëri menjëherë bujë, ku pati reagime të shumta, madje edhe nga vetë depueti, i cili u përpoq të justifikonte pasurinë e tij, duke thënë se kishte kursyer nga rroga e tij si gazetar.

Por, vetëm 3 ditë më vonë, më 16 janar, ILDKP filloi hetimin mbi pasurinë e deputetit socialist, Alfred Peza. Ky institucion nisi verifikimin e pasurisë dhe të ardhurave të deputetit dhe konfliktin e interesit, një verifikim që do të shtrihej edhe te familjarët e tij.

Ndërsa, disa ditë pas publikimit të pasurisë, më 20 janar, çështja do të kalonte te Prokuroria e Përgjithshme, e cila nisi hetimet për deputetin Alfred Peza. Prokuroria deklaroi se Peza do të hetohet për evazion fiskal, ku përveç humbjes së mandatit mund të rrezikonte edhe burg.

Ditën e sotme, pas 3 muajsh nga publikimi i skandalit, Prokuroria e Krimeve të Rënda ka kërkuar në gjykatë sekuestrimin e pasurive të deputetit të Partisë Socialiste, Alfred Peza. Ky i fundit po hetohet për fshehje pasurie dhe pastrim parash.

Mësohet se mbrëmjen e së mërkurës në Prokurorinë për Krime te Rënda ka mbërritur nja material voluminoz dhe vetëm pak orë më vonë, rreth orës 16:00 të së enjtes, prokurorët e Njësisë së Specializuar Task Forcë, e kanë dorëzuar atë në gjykatë. Kërkesa për sekuestro është e detajuar dhe pritet që të zhvillohet seanca për të vendosur nëse pasuritë e deputetit do të vihen ose jo nën sekuestro, sipas ligjit antimafia. Kjo mund të rrezikojë deputetin e Rilindjes, pasi sekuestrimi i pasurisë dhe hetimi mund të çojnë edhe në arrestimin e tij me akuzën për pastrim parash.

CityNews po iu sjell dhe njëherë në vëmendje disa nga shkrimet kryesore të denoncimit të skandalit ku është përfshirë deputeti Alfred Peza./CityNews

KODI PENAL/Ja sa vite burg rrezikon Alfred Peza për evazion fiskal

Denoncimi në Citynews/ILDKPKI nis kontrrollin për pasurinë e deputetit Alfred Peza

Ekskluzive-SKANDALI/Deputeti i Rilindjes dhe ish-gazetari Alfred Peza ble 1.1 miliard lekë, 1% aksione në një bankë private (Dokumentat)