Lufta në parlament/ Ja sa paguhen për tu sharrë “mercenarët” e partive

11 Prill 2017, 08:06, Aktualitet CNA

Citynews mblodhi disa të dhëna zyrtare në lidhje më pagat e deputetë. Kjo për të kuptuar se sa parimore dhe idealiste është beteja e individëve për të rrëmbyer mandatin që jep jo pak benefite.

Në parlament ka ?luftë? mes palëve që duket më shumë si puna e një ?mercenari? të mirë paguar i cili çohet në betejë. Vetë deputetët duan të quhen përfaqesues të popullit, por në fakt janë përfaqësues të një liste që përgatitet nga kryetari i partisë, për ?merita? të veçanta mercenarizmi dhe servilizmi në shumicën dërmuese të rasteve.

Morali i mandatit të deputetit apo beteja për ta rrëmbyer atë nga partia është jo aq parimore sa duket. Idealet thuajse kanë vdekur, parimet nuk ekzistojnë, në thelb mandati i deputetit është një rrogë e majme, përfitime dhe benefite të tjera që vijnë nga ky mandat.

Nga të dhënat zyrtare të mbledhura nga Citynews rrezulton se deputetët përfitojnë nga 80 deri në 100 milion lekë (të vjetra) të ardhura në mandat, nga puna e tyre si ?mercenarë? të partisë në kuvend.

Sipas të dhënave deputeti i Tiranës përfiton pagën bruto 1.6 milion lekë, 300 mijë lekë si shtesë për karburant dhe shofer, 170 mijë lekë shpenzime telefoni, si dhe 20 mijë lekë për çdo mbledhje komisioni (jo më shumë se 12 mbledhje në muaj). Një shumë prej rreth 2.2 milion lekë bruto përfiton një deputet i kryeqytetit, neto paga shkon tek 1.7 milion lekë. Tirana ka aktualisht 32 deputete afërsisht 1/5 e parlamentit aktual.

Shumica e deputetëve përfitojnë më shumë të ardhura nga detyra e tyre. Përfaqësuesit e rretheve paguhen shumë më tepër. Kjo për faktin se deputetët e zonave jashtë Tiranës paguhen me tjetër vlerë për shoferin dhe karburantin, shumë prej tyre marrin edhe dieta për shkak të faktit se nuk kanë banesë në Tiranë.

Deputeti në Korçë, Kukës apo Gjirokastër përfiton 550 mijë lekë për karburant dhe shofer, dyfishin e shumës që merr një deputet në Tiranë. Shtesë është edhe vlera 240 mijë lekë që jepet si dieta për deputetët që nuk kanë shtepi në Tiranë. Pra në total vlera shtohet me gati gjysëm milioni lekë. Një deputet në këto zona përfiton te pakten 2.7 milion lekë page bruto dhe rreth 2.2 milion lekë neto.

Pra nga 20 milionë në 25 milionë lekë në vit, në 100 milionë maksimumi në mandat, është vlera që shqiptarët paguajnë ?mercenarët? e partive politike. Ky është edhe fakti pse bëhet një luftë e fortë për të kapur një vend në listë apo për të qenë deputet i x apo y partie. Janë 100 milionët e jo idealet.

Këtë shumë në parlament e përfitojnë edhe përsona me precedentë penalë, kllouna politikë, qafira dhe palaço që vijnë dhe ikin sipas shërbesës që i bëjnë ngjyrës që përfaqësojnë. Ajo sallë ka edhe intelektualë dhe përfaqësues dinjitozë dhe me vlera, por në shumicën e saj ajo ka ?mercenarë? që shqiptarët i paguajnë me dhjetra milionë lekë në një mandat katër vjeçar, ku ata majmen dhe bëjnë moral në emër të popullit, kur në fakt i ka zgjedhur partia si ?mercenarë? të përkoshëm.

Përfitimet e mësipërme ishin shumat që përfitojnë si paga, pa folur për udhëtimet falas jashtë shtetit, dreka e darka, pasaporta diplomatike për familjen, kredi të buta etj etj, përfitime që nuk i kemi përfshirë në të dhënat e publikuara në këtë përmbledhje./Citynews