web counter
LEXO PA REKLAMA!

SHKARKO APP

App Store
Google Play

E fundit!

x

Çelet procesi për dosjen “Xibraka” me 9 të arrestuar/ Flet Ermali, nipi i Enver Hoxhës

11 Prill 2017, 08:43, Aktualitet CNA

Sot është çelur zyrtarisht procesi për dosjen ?Xibraka?, në Gjykatën e Krimeve të Rënda. Gjatë këtij procesi në pyetje do të merren si të pandehur, Ermal Hoxha, nipi i Enver Hoxhës dhe dy kolumbianë, të cilët janë arrestuar që në janar të 2015. Të pandehurit do të jenë ata që do të japin pëlqimin nëse do të japin shpjegim për akuzat apo jo.

Ngjarja:

Një laborator i përpunimit të drogave të forta, mes tyre dhe kokaina u zbulua me 14 janar 2015 rreth orës 18:30 në fshatin Xibrakë, në vendin e quajtur ish-Rezervat e Shtetit.

Policia dhe prokuroria e Krimeve të Rënda shkatërruan grupin e trafikut të drogës duke sekuestruar sasinë e drogës.

Në pranga u vunë 9 persona, mes tyre  kreu i grupit Sajmir Batku, nipi ish-diktatorit Enver Hoxha, Ermal Hoxha dhe dy shtetas kolumbianë.

Grupi kriminal, i përpunimit të drogës financonte shuma të mëdha parash në fushën e ndërtimit.

Droga e sekuestruar :121 kilogram drogë, ku rreth 100 kilogram kokainë e përzier, 18 kg kokainë e pastër dhe 3 kilogram kokainë e papërpunuar, si dhe 3- 4  ton përzierës.

Laboratori i drogës ne Xibrakë,  në ish- depo të rezervave të shtetit:

Droga u gjet në një magazine në Xibrakë të Elbasanit, e cila shërbente si një laborator që rezulton edhe më i madhi i zbuluar ndonjëherë në Ballkan. Laboratori ishte vendosur në një ish- depo të rezervave të shtetit e shndërruar në një magazinë ku grumbulloheshin bimë medicinale për të mos ngjallur dyshime te banorët e zonës apo edhe policia./CityNEWS





Lajmet e fundit nga