web counter
LEXO PA REKLAMA!

SHKARKO APP

App Store
Google Play

E fundit!

x

Monika Kryemadhi i rikthehet dashurisë: Meta nuk është xhentil

29 Mars 2017, 09:01, Aktualitet CNA

Nuk është hera e parë që deputetja e LSI-së, Monika Kryemadhi, flet për jetën e saj personale, për dashurinë me Ilirin dhe mbi të gjitha për fëmijët. Kohë më parë, jo pak kritika patën ndjekësit teksa ajo tha se u jepte fëmijëve një shumë të vogël të hollash, pasi ata ishin në shkollë. Kaq u desh që në mënyrë të menjëhershme të përhapeshin në rrjetet sociale foto tallëse. E ftuar në “Vila 24” në “News 24”, ajo ka rrëfyer disa detaje pikante mbi jetën e saj familjare.

Si ka qenë Monika fëmijë?
Unë kam qenë fëmijë i shtresës së mesme. Gjithë jetën jam parë si një njeri normal, i padukshëm. Fëmijët e mi nuk janë të padukshëm.

Çfarë studimesh ndjekin fëmijët?
Goca ka zgjedhur financë-bankë, ka fituar të drejtën e studimit. Çuni është në mes të juridikut dhe ëndrrës së madhe për t?u bërë aktor Hollivudi. Unë shpresoj t?i realizohet, por duhet të bëjë kompromise dhe goca e vogël i thotë madje “po kur të martohesh ti e të bësh dashuri me femra të tjera në filma, si do bësh?”.

Po ti vetë çfarë ke dashur të bëheshe?
Unë kam dashur të bëhesha balerinë ose astronaute.

Nuk do donit që djali të bëhej aktor?
Jam partizane sot që çdo njeri të ketë një zanat. Jeta është shumë e çuditshme dhe është si ashensor. Është mirë të kesh një zanat. Do doja që një nga fëmijët e mi të bëhej mjek, që kur të plakesha të më shërbenin. Babai im ka jetuar 7 vjet me ishemi, se i shërbente mamaja ime. Po nëse dështon, djali për t?u bërë aktor, çfarë do bëjë. E di si është profesioni i aktorit në Shqipëri.

Ju besoni se ai do kthehet në Shqipëri?
Unë shpresoj që ai të kthehet këtu. Megjithëse vajza e madhe më tha njëherë se më mirë një emigrante se të kthehem dhe të bëhem pjesë e luftrave tuaja. Më erdhi shumë keq. Morali politik këtu është aq i pamoralshëm? Këtu kanë vuajtur fëmijët e mi, jo ne. Janë të privuar nga shumë gjëra.

Sa lekë u ke dhënë kur ishin të vegjël në shkollë?
200 lekë se ishin në kolegj.

Po për veshjet?
Kam një fat të madh sepse vajzat e mia veshin rrobat e mia. Më gëzon kjo se do të thotë se kam guston e brezit të ri.

Kujt i ngjajnë fëmijët?
Bora i ngjan babait të saj. Është indiferente, e ftohtë. Unë them është Ilir Meta me flokë të gjata. Besari është emocional, ëndërron, është si unë.

Me kë jeni më shumë e lidhur, me djalin?
Unë me vajzat, me djalin jo. Djali im është shumë i lidhur me nënën time, sa një ditë më tha do bëj tatuazh foton e saj. I thashë ?budalla je ti?, bëj fëmijët e tu.

Si jeni njohur me Ilirin?
Në Partinë Socialiste jemi njohur. Unë kam qenë pak e turpshme. Por pastaj pas fejese jo më. Mua nuk më ka pëlqyer Iliri në fillim, se ai është pak maskilist. Nuk është shumë xhentil, e them këtë në kontekstin e një vajze që ëndërron princin e kaltër. Ne jemi njohur në nëntor të vitit 1993, kam qenë 17 vjeç, e një vit më pas jemi lidhur. /CityNews

 





Lajmet e fundit nga