E fundit!

11:13 Aktualitet

Protesta, "mollë sherri" në Konferencën e Kryetarëve/ Zhupa-mazhorancës: Po fabrikoni prova

Protesta e qytetarëve para Kryeministrisë ka sjellë debate...

LSI, çeta korruptive e Ilir Metës

29 Mars 2017, 10:21, Aktualitet CNA

Duke qenë se ka lindur si një sipërmarrje private e familjes Meta Lëvizja Sociliste për Integrim (LSI) vazhdon të funksionojë si një sipërmarrje e tillë, duke patur si objektiv përparësor fitimin dhe jo shërbestarinë ndaj taksapaguesve e vendit.

E vëren këtë jo duke u mbështetur në barcoleta, por edhe në realitetet historike të kohës kur kjo forcë politike ka qenë në qeverisje. Ku LSI dhe Ilir Meta janë të vetmit që kanë gëzuar veç privilegjet e rrjedhura nga pushteti dhe asnjëherë privacionet e kostot që të jep të qenit në opozitë.

Tregojnë se kur Ilir Meta hyri për të parën herë në zyrën kryeministrore, gjatë ngritjes së dollisë me disa miq të ?kazani?, nxorri një tuf parash nga sirtari dhe duke i hedhur përpjetë u tha: Ky është pushteti! Nëse këtë do ta etiketonim si barcoletë, grabitja e floririt gjatë kohës kur Meta drejtonte qeverinë nuk është e tillë por fakt i njohur madje ndërkombëtarisht.

Nën kredon: ?Pushteti është para?, do të vijonte rrugëtimin Ilir Meta dhe pas themelimit të LSI-së, forcës politike që në të vërtetë funksionon si një biznes privat. Duke shfrytëzuar copa të pushtetit, sigurisht. Pikërisht të hatër të kësaj kredoje në pas zgjedhjet e vitit 2009 Ilir Meta shpejtoi ta ankoronte barkën LSI në limanin e Sali Berishës, të cilit arriti ti zhvat 20% të pushtetit.

Qenë vitet të mbushura me shpërthime skandalesh e aferash financiare jo vetëm të ministrave të LSI, por edhe të vetë kryetarit Meta. Të regjistruara madje edhe ndër video të transmetuara publikisht, ska gjë se të mbetura pa ndëshkim nga organet e drejtësisë të kontrolluara prej tij.

Videot e Ilir Metës dhe çetës së tij të LSI-së ndezën zjarrin e protestës së 21 Janarit 2011 dhe gjithsa ndodhi më pas, me vrasjen e katër protestuesve etj., ia faturoi qeverisë Berisha, të cilën e braktisi sapo e nuhati që ora e pushtetit po ndëronte. Iku nga Berisha duke marrë veç të mirat e rrjedhura nga 20% i pushtetit, pa mbajtur asnjë përqind kosto të zullumeve. Ndwrkohw mw parw kishte mbyllur pazarin me Ramwn se nuk do futej nw burg pwr aferat e tij.

Duke u hedhur në barkën e socialsitëve e rriti normën e fitimit, me sigurimin e 30% të vëndeve në qeverinë Rama, duke garantuar katër ministri dhe 30 % të pushtetit vendor. Janë ministritë dhe pushtetet vendore më të lakuara për paaftësi, për zullume dhe afera. Shihni ministrinë e Integrimit, ku nuk gjen asnjë gram integrimi. Të ngjashme me të janë ajo e Mjedisit dhe e Bujqësisë, që vetëm japin ?leksione? premtojnë dhe bëjnë para. Skandaloze gjendja në dikasterin e Transportit ku lëvrohen miliarda për rrugë të standartit, që vetëm të tilla nuk janë. Edhe më skandaloze ajo në Ministrinë e Drejtësisë, ku drejtorët e Burgjeve përfundojnë vetë në burg nga teprimi me zbatimin e kredos: Pushteti është para! Mund të sjellim edhe të tjera raste, por po i mbajmë për më vonë. Pasi LSI-së nuk i shterrin energjitë për të qenë veç përfituese nga pushteti dhe kurrë mbajtëse përgjegjësish./ CityNews