web counter
LEXO PA REKLAMA!

SHKARKO APP

App Store
Google Play

E fundit!

x

REDAKSIONALE/ E sigurt që Edi Rama nuk gënjen

27 Mars 2017, 12:25, Aktualitet CNA

Që përpara se të përfundonte kryeministër Edi Rama bëri një lum premtimesh të bujëshme ky, tashmë, është një fakt i pamohueshëm, sikurse është po fakt i vërtetuar që ai i mbajti premtimet përgjatë katër viteve të ikura të qënies në krye të qeverisë. Çka don të thotë se, përkundër atyre që e akuzon opozita, si edhe pjesa dërmuese e atyre që e kanë votuar në 2013, Edi Rama di ta mbajë fjalën, pra nuk di të gënjejë.

Ndër shumë premtimet e bëra e të mbajtura të kryeministrit Edi Rama është edhe energjia elektrike. Kujtojmë se kur ishte në opozitë, gjatë fushatës elektorale 2013, në cilësinë e  kryetarit të PS-së dhe kandidatit për kryeministër, Edi premtoi uljen  e pagesës për energjinë, duke e ulur TVSH-në nga 15 në 9% , duke e trmbetuar këtë në prioritetet e politikave sociale që e Rilindja kishte ndaj shtresave të varfëra.

Sipas të dhënave të publikuara, në atë kohë niveli i tarifave, që çdo konsumator paguante, bazohej ne dy fasha. E para, për harxhimin deri në 300 KW/h paguhej 7,7 lekë, kurse mbi këtë nivel haxhimi paguhej 13.5 lekë, pa llogaritur 15% e TVSH-së. Referuar fakteve të kohës, shqiptarët qenë të kënaqur me këtë tarifë që favorizonte më shumë se 75% të taksapaguesve të varfër e të mesëm, mirëpo e besuan Ramën, kur u premtoi se kishte edhe më mirë nga kaq.

Pasi u bë kryeministër, si ?shkatërrues i politikave të vjetra? që është, drejtuesi i qeverisë së Rilindjes, pra Z.Rama, e hodhi tej fashën dhe krahas ngritjes së çmimit nga 7.7 në 9.5 lekë për çdo  KW/h, e çoi TVSH në 20%, duke e mbyllur përfundimisht hesapin e pagesës së çdo kilovator energjie me çmimin 11.4 lekë.

Megjithatë le ta klasifikojmë të mbajtur premtimin e Edi Ramës për tarifën e energjisë, kryeministëri ynë një piktor, 11.4 lekëshi është më i vogël se 7,7 lekëshi, sikurse është në të njëjtin raport tarifa  e TVSH-së 20%, kundrejt asaj 15%./ CityNews





Lajmet e fundit nga