web counter
LEXO PA REKLAMA!

SHKARKO APP

App Store
Google Play

E fundit!

x

REDAKSIONALE/ Kë takoi Lulzim Basha në SHBA

27 Mars 2017, 10:59, Aktualitet CNA

E paralajmëroi me bujë vizitën në Amerikë, e realizoi, domethenë shkoi, qëndroi tre ditë në tokën  lirisë dhe të demokracisë, u kthye sërish në Tiranë dhe, përveç një fjalimi brend ?çadrës së lirisë? e raportimit në grup parlamentar nuk ka asnjë detaj të mëtejshëm identifikues të takimeve që drejtuesi i forcës më të madhe të opozitës, Lulzim Basha, ka realizuar në përmbyllje të kësaj vizite.

Para nisjes për në SHBA, Basha tha se do të kishte takim me Sekretarin e Shtetit, Rex Tillerson dhe zyrtarë të tjerë të lartë të administratës Trump. Kur mbriti në Amerikë, ndryshe nga herët e tjera, si psh kur Trump u betua si president, takimet dhe vizitat e Bashës nuk u tansmetuan  live dhe të vetmet evente të tij gjatë vizitë në SHBA qenë dreka-darkat me anonimë dhe intervista e dhenë në seksionin shqip të radios ?Zeri i Amerikës?.

Vetëm kaq panë shqiptarët live nga vizita e liderit Lulzim Basha në SHBA dhe, pavarësisht se pas mbritjes në Tiranë nga ?çadra e lirisë? ai do të deklaronte live: ?kam patur takime shumë të mira në SHBA?, ndërsa në mbledhjen e djeshme të grupit parlamentar të PD, raportoi se ka mbështetjen e Amerikës për aksionin politik opozitar: ngujim në çadër, braktisje të parlamentit dhe mos-hyrje në zgjedhjet e 18 qershorit, askush nuk di të thotë se kë ka takuar konkretisht kryetari Basha gjatë vizitës në SHBA.

Kjo pasi edhe vetë Basha, duke qenë se nuk ka takuar asnjë nga zyrtarët e planifikuar të kabinetit Trump, përveç dreka-darkave të ngrëna dhe ndonjë takimi rutin me amerikan të nivelit të zakonshëm, nuk ka çfarë thotë tjetër. Kështu i bie që Lulzim Basha të ketë shkuar gjer në Amerikë vetëm për të ngrenë ca dreka-darka dhe për të dhenë atë intervistën tek radio ?Zeri i Amerikës?. Gjë që shumë mirë mund ta kishte bërë edhe në Tiranë, duke ngrenë dreka e darka në restorante po aq luksoze sa të SHBA dhe më pas të zgjidhte për tu intervistuar njerin prej dy korespondentëve të radios ? Zëri i Amerikës? në Shqipëri, Ilirian Agollin, apo  Armand Meron./CityNews

 

 





Lajmet e fundit nga