web counter
LEXO PA REKLAMA!

SHKARKO APP

App Store
Google Play

E fundit!

x

Thellohet rivaliteti Tahiri-Veliaj/Garë e egër në Tiranë

25 Mars 2017, 20:01, Aktualitet CNA

Largimi i Saimir Tahirit nga detyra e ministrit të Brendshëm nuk ka zbutur aspak situatën mes tij dhe kryebashkiakut Erion Veliaj. Lufta mes tyre bëhet çdo ditë dhe më e ashpër, teksa e gjithë vëmendja është përqendruar te Tirana. Saimir Tahiri dhe Erion Veliaj janë parë prej kohësh si dy njerëzit më të afërt të kryeministrit Edi Rama, të ciëlt mund të trashëgojnë postin e tij si kryetar i Partisë Socialiste. Ata kanë kopjuar njëri-tjetrin e bërë gjithçka për të tërhequr vëmendjen e kryetarit dhë për t?u bërë të preferuarit e tij.

Edi Rama liroi Saimir Tahirin nga detyra për ta angazhuar atë në fushatën elektorale, në degën e PS-së së Tiranës, për zgjedhjet që po afrojnë. Nga ana tjetër, ai angazhoi në organizimin e fushatës në këtë degë edhe kryebashkiakun Erion Veliaj, duke dubluar në këtë mënyrë ish-ministrin Tahiri.

Të dy, Tahiri dhe Veliaj ndodhen sërish përballë njëri-tjetrit, në një garë të fortë, që egërsohet ditë pas dite, me afrimin e zgjedhjeve. Të dy janë hedhur në sulm, duke trokitur në çdo cep të Tiranës, për të siguruar vota për 18 qershorin. Kjo ka bërë që Tirana të ndahet në dy klane, nga njëra anë është Erion Veliaj dhe mbështetësit e tij, e nga ana tjetër Saimir Tahiri me të tijët, ku synimi për të dy është një dhe i vetëm: të mbledhin sa më shumë vota për Partinë Socialiste. Që të dy ndodhen çdo ditë në rrugët e kryeqytetit, ku ndryshe nga Saimir Tahiri, i cili tashmë është i përkushtuar vetëm te zgjedhjet, duket se dhe Erion Veliaj ka ?harruar? detyrat e kryebashkiakut, duke u përqendruar edhe ky i fundit te fushata, për të arritur rezultate më të mira se kundërshtari (Tahiri).

Takimi i fundit i Veliajt është ai i pasdites së djeshme me strukturat e PS-së në Njësinë nr. 1 në Tiranë, ku tha ndër të tjera se investimet për përmirësimin e infrastrukturës dhe të jetës së qytetarëve janë rritur ndjeshëm.
Ai shprehu bindjen se me investimet konkrete dhe të prekshme për këdo, ndryshimet do të vijojnë edhe për vitet e ardhshme. ?Me gjithe keto investime konkrete e të prekshme, besoj se mund t?i shikojmë njerëzit në sy?, tha ai.

Kryebashkiaku theksoi se gjatë këtyre dy viteve janë bërë një sërë ndërhyrjesh të rëndësishme në Njësinë nr. 1, e cila ka filluar të transformohet. Kreu i bashkisë theksoi se këto ndryshime kanë konsistuar jo vetëm në shtrim rrugësh dhe rehabilitim blloqe pallatesh, por në të njëjtën kohë një vëmendje e veçantë i është kushtuar edhe çerdheve, kopshteve dhe shkollave./CityNews





Lajmet e fundit nga