E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Skandal me dosjet e Sigurimit/Qindra dokumente janë manipuluar, si do zbulohen spiunët

24 Mars 2017, 08:09, Aktualitet CNA

Autoriteti për Informim për dokumentet e ish-Sigurimit të Shtetit jep alarmin se politika ka bërë masakër me dosjet e komunizmit. Qindra dokumente janë manipuluar dhe zhdukur nga politikanë të implikuar në Sigurimin e Shtetit, për të fshehur gjurmët e tyre të errëta gjatë veprimtarisë në diktaturën e egër komuniste. Gjatë punës për mbledhjen e dosjeve të Sigurimit, Autoriteti ka konstatuar se një pjesë e konsiderueshme e dokumenteve nuk gjenden, shkruan “Sot”. Por, një lajm i mirë është se Autoriteti do të përdorë teknologji speciale për zbulimin e spiunëve që kanë fshehur të dhënat, por nuk dihet se sa i arrirë do të jetë ky projekt.

Këtë shqetësim e ka ngritur anëtari i Autoritetit, Simon Miraka. Ai deklaroi se një sërë dosjesh janë zhdukur ndërsa ka edhe emra që janë fshirë nga regjistrat themeltar. ?Kanë bërë seleksionime ku ata e kanë parë të arsyeshme sipas arsyetimit të tyre. Ka regjistra që janë fshirë, mirëpo ka edhe një teknologji sot që edhe ato fshirje do t?i gjejmë, shpresojmë!?, deklaroi Miraka. Siç duket, ky proces do të shoqërohet me shumë probleme, që do të pengojnë edhe zbulimin e vërtetë të spiunëve të Sigurimit. Ndërsa një pjesë e dosjeve janë zhdukur dhe manipuluar, një pjesë tjetër është e painventarizuar. Shumë dosje janë nëpër kuti dhe të dëmtuar nga kushtet e ambientit, ndërsa ka shumë nga ato për të cilat nuk dihet e çfarë përmbajnë.

Asgjësimi i dosjeve ka ardhur nga politikanët, të cilët janë kujdesur që të zhduken ato dosje shumë të rrezikshme dhe shumë të rëndësishme, që do të cenonin karrierën e tyre politike. Por, edhe ato dosje që ekzistojnë në SHISH janë të painventarizuara. Dosjet që janë marrë nga institucionet, gjatë transportit janë monitoruar dhe do kanë qenë nën mbikëqyrjen e një sigurie të lartë. Materialet u zhvendosën me automjete. Kanë qenë vetë anëtarët e Autoritetit që kanë ruajtur dosjet nga ndonjë manipulim i mundshëm, apo humbja, zhdukja e tyre gjatë transportit.