web counter
LEXO PA REKLAMA!

SHKARKO APP

App Store
Google Play

Plagosja në Kinostudio/ Policia e Tiranës identifikon autorët

21 Mars 2017, 09:12, Aktualitet CNA

Lidhur me plagosjen e ndodhur mbrëmjen e djeshme në Kinostudio, policia ka hedhur dritë mbi këtë ngjarje, duke bërë të mundur identifikimin e autorëve. Shtetasi me inicialet E.D., është qëlluar me një pistoletë nga dy persona.  Këta të fundit janë shtetasit L.D., 30 vjeç dhe E.D., 26 vjeç, të cilët janë shpallur në kërkim. Burime zyrtare nga policia e Tiranës bëjnë me dije se dy autorët e dyshuar kanë pasur një konflikt me të dëmtuarin, i cili aktualisht ndodhet i shtruar në spital.

?Më datë 20.03.2017, rreth orës 20:20, në vendin e quajtur “Kinostudio”, pranë një Bar Kafe, është qëlluar me armë zjarri shtetasi E. D., 34 vjeç, banues në Tiranë.

Nga hetimet e kryera, ka rezultuar se autorë të dyshuar të kësaj ngjarje janë shtetasit: – L. D., 30 vjeç, banues në Tiranë – E. D., 26 vjeç, banues në Tiranë.

Shtetasi E. D. është qëlluar me një armë zjarri të kalibrit 7.65 mm, i cili është plagosur në krahë dhe ndodhet në S.Q.U., nën kujdesin e mjekëve.

Në cilësinë e provës materiale janë sekuestruar tre gëzhoja të kalibrit 7.65 mm. Shtetasit e shpallur në kërkim, me shtetasin e dëmtuar, më parë kanë patur një konflikt midis njëri-tjetrit dhe konkretisht më datë 08.02.2017, konflikt i cili është trajtuar nga Komisariati Nr 4″.

Tashme po punohet për kapjen e autorëve të dyshuar të ngjarjes. Materialet proceduriale i’u kaluan Prokurorisë pranë Gykatës së Shkallës së Parë Tiranë, për veprat penale “Vrasje me paramendim, mbetur në tentativë, në bashkëpunim” dhe “Prodhimi dhe mbajtja pa leje e armëve luftarake dhe e municionit”. /CityNews 

 

 





Lajmet e fundit nga