E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Sulmohet CityNews/ Tjetër agresion pas dhunës ndaj drejtuesit

21 Mars 2017, 08:51, Aktualitet CNA

Agjensia e lajmeve online CityNews.al është sulmuar sot në mëngjes për më shumë se dy orë, duke hakeruar faqen dhe duke ndërprerë për të paktën dy orë publikimin e informacioneve.

CityNews.al, nuk e ka rastin e parë të sulmit online. Brenda vitit 2017, ky është rasti i dytë që vjen nga segmente të caktuara, të cilat ndjehen të ?kërcënuara? nga e vërteta dhe lajmet Pa Çensurë që transmetohen dhe publikohen live çdo ditë në këtë agjensi lajmesh.

Sulmi vjen dy javë pas aktit kriminal, ku dy persona të maskuar goditën me mjete të forta pas krahëve, në mes të ditës, në një nga zonat më të populluara të kryeqytetit administratorin dhe drejtuesin e CityNews.al dhe Best Radio 89.8 FM, Elvi Fundo.

Të tilla sulme kibernetike, apo dhuna kriminale ndaj drejtuesit të stafit, nuk mund ta ndalin të vërtetën që ne e themi ashtu siç e mendojmë.

Sulmet vijnë pas publikimit të dhjetra investigimeve, por edhe fakteve dhe akuzave edhe për politikanë, zyrtarë apo drejtues të mediave të rëndësishme në vend. Disa kohë më parë, CityNews publikoi ekskluzivisht disa dokumenta zyrtare për pasurinë e dyshimtë të deputetit socialist Alfred Peza, fotot nga takime të kryebashkiakut Veliaj më zyrtarë të prokurorisë, investigime në lidhje me trafikantin Xhemail Pasmaçiu dhe lidhjet e tij të mundshme me një personazh dhe pronar të botës së medias.

Dy ditët e fundit, City News ka publikuar të dhëna për një nga pronaret e Top Medias, Vjollca Hoxha, e cila zotëron rreth 8 % të aksioneve, por është presidente dhe administratore e kësaj kompanie. Dukë premtuar edhe thellimin dhe publikimin e të dhënave të tjera që fillojnë nga lidhjet e saj klienteliste me qeverinë, përfitimet nga pushteti mediatik dhe të tjera akuza dhe fakte të papublikuara më parë që lidhën me Hoxhën dhe bizneset e saj.

Ndoshta janë këta që përmendëm më sipër, ndoshta janë dhjetra të tjerë që i vret e vërteta Pa Çensurë, autorët e sulmeve ndaj nesh.

Por, NE NUK NDALEMI në rrugën tonë, atë dhe të vertetën do vazhdojmë t?i themi me zë të lartë edhe pse dikush humb mendjen, kontrollin dhe në mungesë të përgjigjes dhe argumentave përdor gjuhën e dhunë dhe sulmet.

Beteja jonë me krimin dhe mafien në media, lidhjen e tyre me pushtetin politik, do të jenë çdo ditë një lajm. Informacion i zbardhur për abuzimet dhe krimet e tyre të përditshme. Shqiptarët e dinë mjaft mirë por le të shkojmë më tej që të kuptojnë se kush është llumi mediatik dhe si disa pashallarë të korruptuar, të lidhur me trafiqe droge, apo të tjerë që abuzojnë dhe vjedhin paratë e taksapaguesve shqiptarë.

Beteja sapo ka filluar! Le ti shkojmë së bashku deri në fund. Për të bërë të mundur këtë, kërkojmë edhe ndihmën e lexuesve dhe qytetarëve, për të cilët do të jemi vitrinë, ku ata mund të shpalosin dhe të tregojmë çdo ditë të vertetën e tyre pa pasur frikë nga krimi në media dhe media e krimit./CityNews