Nga AVOKATI/ Rama, Meta dhe Basha. Vrasësi, përdhunuesi dhe humbësi i rinisë dhe shpresës shqiptare

20 Mars 2017, 17:15, Aktualitet CNA

Eshtë fakt tashmë që, në vendin tonë në çdo ambjent, në çdo familje apo në çdo tryezë përdoret rëndom shprehja ?ky vend nuk bëhet? apo ?ky vend nuk ka shpresë?. Përdoren këto shprehje sikur të ishin urime për shërimin nga një grip i lehtë apo komente për një skuadër futbolli. E vërteta është se pas tyre, aktualisht, qëndron një realitet tragjik i cili i parë në sy ngjall veç ndjenjën e frikës.

Situata të vështira dhe delikate janë dhe kanë qënë prezente në çdo vend përfshi edhe ato vende të cilat, pasi kanë arritur një standart të përgjithshëm, janë tashmë pjesë e Bashkimit Europian. Këto vende janë pjesë e një komuniteti të përbashkët dhe konkurrues nga i cili pashmangshmërisht, në mënyrë relative, buron mirëqënia dhe stabiliteti si rezultat i punës me idetë e reja, si rezultat i refuzimit të nënshtrimit, si rezultat i refuzimit të padijes, si rezultat i refuzimit të padrejtësive dhe mbi të gjitha si rezultat i reagimit ndaj të keqes.

Në të gjitha rastet e shteteve të cilat kanë përparuar me shpejtësi drejt ?një jete më të mirë? nje rol të rëndësishëm, determinant dhe determinues ka luajtur rinia e secilit prej tyre. Jo me kot për çdo vend rinia cilësohet si prespektiva, drita apo shpresa që do ta çoje vendin para.

Po rinia jonë shqiptare ku është vallë?! Përse vallë nuk reagon ajo ndaj situatave të veshtira të vendit për t?i ndryshuar ato?! Mos vallë për të është çdo gjë normale dhe e vetmja problematike për këtë vend ka qënë reziku i ardhjes së armëve kimike përpara pak më shume se 3 vitve?!

Në fakt, e vërteta dhe përgjigjia ndaj këtyre pyetjeve është tragjike, … rinia shqiptare është vrarë, përdhunuar dhe braktisur. Rinia jonë është katandisur si mos me keq, dhe për këtë e gjithë ?merita? është e drejtueseve të politikës shqiprare. Ka shume raste konkrete në të cilat rinia e një vendi dikton politikat dhe politikanet e tij por që politika dhe politikanet, me cinizmin e tyre, të diktojne rinine në një vend demokratik kjo është ?meritë? eskluzive e politikës aktuale shqiptare.

E si mund të ndodhe ndryshe kur në një vend si ky i yni kryeministri i vendit e ka vrarë rininë?! E ka vrarë rininë pasi i tregoi se vendi i ideve dhe i ligjeve, vendi i përfaqësueseve të tyre, nuk është i tyre por i ?qelbësirave të ketij vendi?. Të promovosh qelbësirat dhe të injorosh rininë e një vendi nuk do të thotë gjë tjetër veçse ta vrasësh atë dhe bashkë me të edhe shpresën për të ardhmen.

E si mund të ndodhe ndryshe kur në një vend si ky i yni kryetari i ?vendit apo kuvendit të qelbësirave? e ka përdhunuar rininë?! E ka përdhunuar rininë pasi ju tregoi dhe mësoi se rinia nuk ka nevojë as për ide dhe as për moral për të ecur përpara. E ka përdhunuar rininë duke ju mësuar se duhet të ecin shpejt për të kapur secili shansin,… shansin e mbushjes se xhepave në këmbim të ideve dhe moralit.

E si mund të ndodhë ndryshe kur në një vend si ky i yni kryetari i atyre që pretendojnë të rëzojnë e shfarrosin ?qelbësirat? e këtij vendi e ka harruar rininë?! E ka harruar rininë pasi ju tregoi atyre se për të rezuar e shfarrosur ?qelbësirat? e këtij vendi nuk ka nevojë për ndihmën dhe idete e tyre por i mjaftojnë ato të kantidateve të ardhshëm për qelbësira.

E si mund të ndodhë ndryshe kur në një vend si ky i yni ende nuk ka një zë të fortë për ti treguar rinisë se i duhet dhënë fund kohës së qelbësirave dhe maskarenjve. /CityNews