web counter
LEXO PA REKLAMA!

SHKARKO APP

App Store
Google Play

E fundit!

x

Deputetja e Metës fyen Nikollën/Memoria juaj nuk mban shumë ...! (Video)

20 Mars 2017, 20:15, Aktualitet CNA

Gjatë ditëve të fundit ka kulmuar debati mes dy partive të mëdha aleate PS e LSI për arsimin në vend. Kanë qenë dy prej figurave kryesore të Lëvizjes Socialiste për Integrim, Monika Kryemadhi e Nora Malaj që kanë lëshuar akuza ndaj punës së dikasterit të arsimit.

Por sot në një intervistë për IN TV numri dy i LSI Kejdi Mehmetaj është edhe më kritike ndaj punës së Lindita Nikollës. Duke e akuzuar ministren Nikolla se nuk ka kryer detyrën e saj, Kejdi Mehmetaj ka renditur dhe 3 dështimet kryesore në punën e Ministrisë së Arsimit.

Ligji i Arsimit të lartë, i pari dhe më kryesori. Edhe pas dy vitesh që ky ligj është miratuar ai nuk mund të vihet në zbatim të plotë, e kjo për shkak të mungesës së akteve nënligjore. Kejdi Mehmetaj thotë se të vetmit që kanë përfituar nga ky ligj janë Universitet private, ndërsa ministria nuk ka bërë asnjë hap pozitiv në hartimin e akteve nënligjore, në mënyrë që të vihet në zbatim të plotë ky ligj.

Portali mësues për Shqipërinë. Një dështim i plotë thotë Kejdi Mehmetaj, ndërsa nuk kursen dhe akuzën se ky portal u përdor për punësime politike në arsim. Sipas numrit dy të LSI përgjatë gjithë kësaj kohe ky portal nuk ju ka ardhur në ndihmë mësuesve, përkundrazi. Ai është përdorur për të emëruar apo shkarkuar politikisht mësues në mbarë vendin thotë me shqetësim Mehmetaj.

Edhe tekstet shkollore janë një tjetër pikë për të cilën deputetja e LSI është teje kritike. Sipas saj edhe tekstet shkollore janë përdorur për klientelizëm.
A janë këto kritika të LSI-së betejë për vota? Kjo pyetje ka një përgjigje të prerë nga numri dy i LSI Kejdi Mehmetaj. Sipas saj arsimi ka qenë gjithnjë në fokus të Lëvizjes Socialiste për Integrim që prej vitit . Madje amendimet që LSI i bëri ligjit të Arsimit të Lartë e kanë bërë atë edhe më të mirë. Mehmetaj thotë se është pikërisht Nikolla thotë ajo që po tenton të përfitojë politikisht me sulmet ndaj eksponentëve kryesor të LSI. E ky ishte momenti që nënkryetarja e LSI të shprehë shqetësime edhe mbin memorien e ministres Nikolla. /intv.al





Lajmet e fundit nga