E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Policia shqiptare a ofron dot siguri për vizitën e Princit të Uellsit dhe Dukeshës së Kornuollit?

18 Mars 2017, 13:48, Aktualitet CNA

Carlsi, Princi i Uellsit dhe trashëgimtari i kurorës britanike së bashku me bashkëshorten e tij Kamillën, Dukeshën e Kornuollit në kuadrin e një turi vizitash në vendet e NATO-s do të vizitojnë edhe Shqipërinë. Princi i Uellsit do ta vizitojë Shqipërinë, menjëherë pas vizitës në Austri, por para se të fluturojë për në Bukuresht. Besohet se vizita e Princit Carls do të jetë rreth datës 7 prill 2017.

Gjatë vizitës në Shqipëri L.T. Mbretërore Princi i Uellsit do bëjë disa vizita në Tiranë, Durrës (Amfiteatri romak i qytetit, takim me përfaqësues të pushtetit vendor etj,) etj. Princi Carlsi gjatë vizitës së tij zyrtare do të ketë takime me kryeminsitrin Rama dhe Presidentin e Republikës Nishani. Deri tani nuk ka informacion, nëse në agjendën e Princit të Uellsit do të ketë edhe takime me zotërinjtë Meta dhe Basha.

Dukesha e Kornuollit, L.S. Kamilla do të realizojë kontakte me përfaqësues të mjekësisë shqiptare. Shoqëruesja princore (Princess Consort), Kamilla është shquar në Mbretërinë e Bashkuar për një kontribut të vecantë në luftën kundra sëmundjes së ostoporozës. Besohet se takimi me mjekët shqiptarë ndër të tjera do të cekë edhe trajtimin e ostoporozës nga mjekësia shqiptare.

Në takimet e L.T. Princit të Uellsit me mikëpritësit shqiptar me gjasa do trajtohen tema të tilla si: kontributi i Shqipërisë si një aleat besnik e i dobishëm i Mbretërisë së Bashkuar në kuadrin e NATO-s si edhe marëdhëniet ushtarake Shqipëri-Mbretëri e Bashkuar, gjendja e brendshme politike në Shqipëri, faktori shqiptar në Ballkan sidomos në Republikën e Kosovës dhe në FYROM. Një temë tjetër e pritshme e bisedimeve është lufta e përbashkët kundra trafikantëve të qenieve njerëzore në kuadrin e luftës globale anti terror, anti Daesh. Kujtojmë që bandat e mirëstrukturuara kriminale shqiptare dërgojnë në Angli jo vetëm klandestinë shqiptarë, por edhe mjaft të tjerë të kombsive e rracave të ndryshme. Këto banda kriminale dërgojnë të tillë klandestinë (dyshohet në ndonjë rast edhe për operativë të ISIS-it) nëpërmjet kamionve, që kalojnë Tunelin e La Manshit, me anë të barkave, motorskafëve, peshkarexhave, jahteve etj, që kalojnë në Ngushticën e La Manshit por edhe me tragete e anije Ro-Ro nga portet belge, holandeze, franceze, spanjolle e me pak ato suedeze. Këto banda të paktën prej një viti kanë dërguar klandestinë shqiptarë në Angli edhe me rrugë ajrore duke prdorur avionë ultra të lehtë të nisur nga aeroporte të vegjël apo pista fluturimi në territorin e RFGJ-së. Të paktën në një rast kemi pasur flutturim të tipit ?dry run? për të eksperimentuar mundësinë praktike për të dërguar në territorin e Mbretërisë së Bashkuar operativë të Daeshi-t me avion ultra të lehtë. Pas vizitës në Shqipëri cifti princor anglez do të niset nga Rinasi për në Bukuresht.

Problem të sigurisë së vizitës.

Kjo vizitë është njëkohësisht një sfidë e jashtëzakonshme përsa i përket sigurisë fizike të lartësive të tyre mbretëtore. Vizita realizohet në një Shqipëri në krizë politike, ku opozita ndodhet në cadër proteste, ndërsa mazhoranca PS-LSI thuajse cdo ditë bën sherr me veten duke shkëmbyer akuza nga më të rëndat e më të ultat. Policia shqiptare është totalisht e kanabizuar (pa harruar segmented e specializuara për heroinë dhe kokainë), shumë e korruptuar në gradat e larta dhe tepër e pakorruptuar në nivelin e policëve në terren të policisë rrugore. SHIK-u, ndërsa teorikisht është në vartësi të Kryeministrit Rama, praktikisht varet nga shefi de facto i opozitës ish Kryeministri Berisha. Dy nga autoritet më të larta, që mbulojnë sigurinë kombëtare dhe rendin public, përkatësisht: Presidenti Nishani dhe ministri Tahiri janë në ditët apo javët e fundit të ushtrimit të detyrës, gjë që normalisht do ketë ndikimin e vet në eficencën e organeve ligjzbatuese shqiptare.

Problemet e sigurisë përkeqësohen, duke pasur parasysh se syri dhe veshi i Ramës në SHIK është geisha e rradhës, që prioritet nuk ka sigurinë kombëtare por kënaqësinë e partnerit vejan njëkohësisht zv/ministër rilindas! Me një gjendje të tillë të aparatit të sigurisë, mbarëvajtja e vizitës së ciftit princor anglez në Shqipëri do të varet kryesisht nga efikasiteti i 007-tave britanike. Nëse britanikët do të jenë në nivelin e aparatit të sigurisë izraelite, kjo vizitë do të kalojë më së miri, ndoshta e paraprirë nga arrestime terroristësh islamikë, sic ndodhi pak para ndeshjes së futbollit Shqipëri-Izrael.

Le të shpresojmë për më të mirën, për më tepër që është hera e dytë në tre shekuj, që një Princ i Uellsit viziton tokat shqiptare. Në fillim të vitit 1861 Princi i Uellsit, më vonë Eduardi VII, Mbret i Anglisë dhe i Dominioneve Britanike dhe Perandor i Indisë vizitoi Durrësin dhe rrethinat e tij, ndërsa po lundronte me jahtin mbretëror për një vizitë zyrtare në Stambollin e Perandorisë Otomane.

Nga: GJERGJ THANASI /CityNews