E fundit!

18:17 Politikë

Rama me banorët: Hyrja e SPAK në këtë proces nuk është për projektin e Zvërnecit

Në takimin me banorët në Zvërnec, kryeministri Edi Rama ka...

Uashingtoni trondit politikën shqiptare/ Zbulon paratë e korrupsionit, ja ku u investuan

5 Mars 2017, 09:21, Aktualitet CNA

Realizimi i reformës në drejtësi pritet të sjellë ?tërmet? në politikën shqiptare. Një gjë e tillë është paralajmëruar nga Shtetet e Bashkuara të Amerikës. Pas raportit për të drejtat e njeriut, Departamenti Amerikan i Shtetit ka publikuar një tjetër dokument sa i takon pastrimit të parave, kontrollit të drogës dhe planeve për vitin 2017, shkruan ?Sot?. Interesant është fakti se në raport deklarohet se sapo të ngrihet Prokuroria e Posaçme, atëherë do nisë puna për zbulimin e parave që janë pastruar nga krimi dhe politika.

?Në 2016, Parlamenti Shqiptar kaloi reformën e rëndësishme kushtetuese dhe ligjore, kundër korrupsionit e krimit të organizuar. Nëse zbatohet korrektësisht, reforma do të ndikojnë në ndalimin e pastrimit të parave dhe në krimet e tjera ekonomike, si dhe në zbulimin e parave të pista?, thuhet aty, duke deklaruar se SHBA do japë asistencën e saj në këtë aspekt. Por interesant është fakti se në raport deklarohet se janë identifikuar mënyrat se si janë pastruar paratë nga zyrtarët. Sipas raportit, shumë para kanë shkuar në bregdet për ndërtime pronash, ndërsa të tjerat janë kamufluar përmes basteve dhe kazinove.

?Pronat e patundshme (veçanërisht në zonat bregdetare), projektet e mëdha të ndërtimit dhe kumari, janë metodat kryesore të pastrimit të parave të pista. Organet e rendit e pranojnë nevojën e luftës ndaj krimit të organizuar por mbeten ende shumë të paefektshme ndaj saj. Policia shtetërore ka një degë të veçantë për krimin ekonomik për pastrimin e parave dhe policia e prokurorët vazhdojnë të marrin trajnime për fushën. Ka nevojë për bashkëpunim më të mirë mes policisë dhe prokurorisë?, thuhet aty. Sipas raportit, shumica e parave që pastrohen janë nga korrupsioni, por dhe droga. ?Shqipëria nuk është një qendër rajonale financiare apo offshore. Por vendi mbetet i rrezikuar nga aktivitetet e pastrimit të parave, për arsye të korrupsionit të gjithanshëm dhe të dobësisë së institucioneve ligjore dhe ekonomike. Shqipëria ka një ekonomi të madhe informale dhe të parasë në dorë. Krimet kryesore që gjenerojnë të ardhura në Shqipëri janë trafiku i drogave, evazioni fiskal, kontrabanda, korrupsioni dhe trafiku njerëzor?, thekson dokumenti.

?Shqipëria ka një treg të gjerë të mallrave kontrabandë, e cila ndihmohet nga kontrolli i dobët kufitar dhe ai i doganave. Shqipëria prodhon dhe eksporton sasi të mëdha marijuane, kryesisht për përdorim evropian dhe është vend tranzit për heroinën afgane dhe kokainën, duke shërbyer si pikëkalimi i tyre drejt Evropës. Shqipëria shërben si bazë operacionale e grupeve ballkanike të krimit të organizuar, dhe aty fitimet e tyre pastrohen lehtësisht?, thuhet aty./CityNews