web counter
LEXO PA REKLAMA!

SHKARKO APP

App Store
Google Play

E fundit!

x

Asnjë parti nuk e zëvendëson dot PD-në/Çfarë do ndodhë nesër në Kuvend

5 Mars 2017, 21:23, Aktualitet CNA

Koordinatori i Lulzim Bashës deklaroi mbrëmjen e sotme se asnjë forcë politike nuk e zëvendëson dot Partinë Demokratike në komisionet e vetting-ut. Dritan Shano tha në studion e Ora News se nëse komisionet votohen pa prannë e opozitës në parlament, kjo është një lojë për pushtet e Ramës dhe Metës.

Shano: Natyrisht, ka interpretime në kufijtë e fundit të arsyetimit të logjikës për të kaluar vettingun. Vendin e PD në Shqipëri nuk e zë dot asnjë parti tjetër.Opozita nuk emërohet dhe ky arsyetim tregon ekzaktësisht se çfarë është reforma në drejtësi për mazhorancën, është një lojë pushteti dhe asgjë më tepër. Ne nuk i jemi qasur reformës në drejtësi si një lojë pushteti në asnjë lloj mënyrë, për ne drejtësia është moral përpara se të jetë ligj, përpara se të jetë numra, përpara se të jetë pushtet. Për këtë arsye edhe seanca e nesërme që do u zhvilloka me këto skema, me këto interepretime në kufijtë e fundit ligjorë, më lejoni të them që është thjesht një lojë pushteti e Ramës dhe e Metës dhe asgjë më shumë sesa kaq.
Ai konfirmoi qëndrimin e opozitës për mospjesmarrje në seancën e jashtëzakonshme të Kuvendit që do të mbahet të hënën në 18:00.
Shano: Nuk besoj se do marrim pjesë në seancë. E kemi bërë të qartë qëndrimin tonë, pjesë e këtij qëndrimi është dhe bojkoti i Parlamentit. Mazhoranca e sotme PS-LSI dhe ku e di unë kush ka mbetur tjerër brenda saj ka ndërmend të shtyhet thellë në këtë farsën e drejtësisë të cilën e ka nisur. Ka një nevojë akute, shumë të madhe që ta marrë dhe ta ngarkojë në kurrizin esaj fjalën e madhe ?drejtësi? sepse pa të nuk del dot në fushatë elektorale pasi nuk ka mbajtur asnjë nga premtimet.Seanca e nesërme edhe pse vjen në dukje si pasojë e një presioni pozitiv nga partnerët tanë ndërkombëtarë është një sjellje e ngjashme, identike me votimin e atyre 6 ligjeve në datën 31 gusht pa prezencën e opozitës, duke e eleminuar atë nga proçesi i ligjbërjes dhe reformës në këtë vend.
Për opozitën zgjedhjet janë më të rëndësishme se vettingu, proçes i cili mund të kryhet dhe pas 18 qershorit.
Shano: Nuk mund të ketë drejtësi në këtë vend pa kaluar përmes proçesit të zgjedhjeve të lira dhe të ndershme, pa kaluar më parë sesa të hyjmë në zgjedhje përmes proçesit të dekriminalizimit të parlamentit, të qeverisë, të bashkive, të administratës, gjë që ka ndodhur në mënyrë të drejtëpërdrejtë me gjak të ftohtë përmes lapustilit të një personi të vetëm që quhet Edi Rama. Kjo është e qartë. Do të ishim njerëz të kompromisit nëse do kishim dalë në shesh për pushtet. Jo nuk kemi dalë për pushtet. Kemi dalë për drejtësi dhe me drejtësinë nuk ka kompromis.
Shano thotë se mazhoranca nuk ka vullnet për dialog dhe se opozita nuk largohet nga sheshi pa marrë atë që kërkon, qeverinë teknike.
Shano: Nuk kam parë këtë lloj gatishmërie tek mazhoranca, djalli fle tek detajet. Ftesa apo gatishmëria nga kreu i mazhorancës së sotme Edi Rama përmban fjalën ?kërkesa realiste?, pra gjithçka që i kërcënon atij pushtetin nuk është realiste. PD ka qenë shumë e qartë që në 18 shkurt dhe më mbrapa që kërkon një qeveri teknike që të çojë vendin në zgjedhje pa Ramën prezent. Është fare e qartë kjo gjë. Që në 2-3 ditëshin e parë Rama u shpreh se ishte i gatshëm të ndërmerrte hapa në drejtim të votimit elektronik. Diku më pas përmes njerëzve të tij në media u shpreh se mund ta sakrifikonte Ministrin Tahiri. Këto janë gjëra anësore. Thelbi është drejtësia dhe ne kemi vendosur të mos bëjmë shaka. Njerëzit duhet të mësohet se në atë shesh ka njerëz që e kanë me gjithë mend atë që thonë. Nuk po bëjnë asnjë lojë, asnjë skemë. Duan drejtësi të pastër përmes zgjedhjeve të lira dhe të ndershme dhe kjo garantohet nga një qeveri teknike.
Për ekspertin e ekonomisë Shano, opozita po artikulon nevojat e qytetarëve nga çadra në shesh dhe ajo do të mbajë përgjegjësi ndaj tyre./CityNews





Lajmet e fundit nga