E fundit!

19:34 Aktualitet

Dita e 26 e protestës/ Qytetarët marshojnë drejt Kryeministrisë

Protestuesit dhe në ditën e 26 të protestët kundër qeveris...

Nga Kastriot Myftaraj/ Vriteni policin e shtetit!

21 Shkurt 2017, 19:56, Aktualitet CNA

Sot, për të kushedisatën herë, Kryeministri Rama përdori një auditor masiv policor, prej mbi një mijë policësh të Policisë së Shtetit, si skenën në të cilën bëri polemikë politike të ditës me opozitën, për çadrën në bulevard dhe protestën që po mban opozita në bulevard.

Unë mendoj se protesta e opozitës është thjesht një cirkus politik me Lulzim Bashën si kllounin kryesor të këtij cirkusi, me gjithçka të kopjuar nga Rama, duke nisur që nga çadra në bulevard. Protesta e opozitës më argëton, nuk më shqetëson aspak.
Por më shqetëson shumë mbledhja që mbajti sot Kryeministri Rama para ndërtesës së Ministrisë së Punëve të Brendshme me mbi një mijë anëtarë të Policisë së Shtetit, duke përfshirë drejtuesit e lartë të saj. Sepse në Shqipëri ekziston që nga viti 1991 Ligji nr. 7492, dt. 8 qershor 1991, ?Për departizimin dhe depolitizimin e disa organeve shtetërore?. Sipas këtij ligji ndalohet propaganda politike, ndër të tjera edhe në Policinë e Shtetit. Por këtë e ndalojnë dhe ligje të tjerë, ndër ta ai për statusin e anëtarit të Policisë së Shtetit etj.
Kur Rama ishte në opozitë dhe Berisha ishte kryeministër, nuk pamë kurrë mbledhje të tilla ku kryeministri t bënte polemikën politike të ditës me opozitën para një auditori policor. Edhe në atë kohë opozita bënte akuza shumë të rënda ndaj Policisë së Shtetit, por Berisha nuk e përdori këtë si shkak për t? iu përgjigjur opozitës para një auditori policor. Them se Berisha do të kishte dashur ta bënte këtë, por nuk guxoi ta bënte. Imagjinoni se çfarë do të kishte bërë opozita e kohës nëse Berisha do të kishte guxuar të bënte diçka të tillë.
Fjalimet politike të Kryeministrit Rama para auditorit policor kanë një qëllim të saktë, atë të bërjes së vetëdijshme të trupës së Policisë së Shtetit se është një Polici politike në shërbim të pushtetit politik të sotëm. Pra është një Polici politike e Partisë Socialiste. Domethënë nuk është Polici por Milici politike e partisë.
A mund të besohet se trupa e sotme e Policisë së Shtetit, që bën auditorin e fjalimeve politike të Kryeministrit, do të kryejë detyrën sipas ligjit në zgjedhje? Askush nuk e bëson këtë gjë! A mund të ketë besim qytetari që nuk është i lidhur me PS-në si anëtar dhe si votues, se kjo Polici do të sillet me të sipas ligjeve në fuqi, kur të ketë të bëjë me të? Askush nuk e bëson këtë gjë! Qytetari do ta shohë policin si milic partiak. Dhe ky nuk është problem i opozitës por i qytetarëve të këtij vendi, i shoqërisë.
Sepse polici shtetëror është një person që ka me ligj monopolin e përdorimit të forcës dhe të armëve në shoqëri. Prandaj, nëse do të vazhdojë procesi i identifikimit të policit shtetëror me militantin politik, atëherë polici shtetëror do të shikohet në çdo rrethanë si një rrezik për çdo qytetar i cili nuk është i lidhur politikisht me partinë në pushtet. Jo më ndryshe se banditi grabitës i rëndomtë. Dhe në mënyrë të pashmangshme reagimi shoqëror do të jetë si për banditin:
Vriteni policin e shtetit!