web counter
LEXO PA REKLAMA!

SHKARKO APP

App Store
Google Play

E fundit!

x

Protestë apo tallava ?

19 Shkurt 2017, 10:42, Aktualitet CNA

Partia Demokratike zhvilloi dje një protestë me kërkesën për qeveri teknike dhe zgjedhje të lira dhe të ndershme.

Protesta e djeshme pati një impakt pozitiv në publik. Qindra mijëra qytetarë, nga Tirana e rrethet iu bashkuan thirrjes së opozitës. Në fakt, ky ishte një nga tubimet më qytetare të zhvilluar nga opozita e Lulzim Bashës.

Protesta dha një mesazh të qartë ndaj qeverisë, por reagim pati edhe nga mediat ndërkombëtare, të cilat i bënë jehonë tubimit të Partisë Demokratike, duke shkuar deri në skenarin Rumun.

Përballë qindra mijërave protestuesve, kreu i PD Lulzim Basha, foli për një vendim të madh që ai së bashku me qytetarët do të merrnin për të ardhmen e vendit. Nga foltorja e protestës, Basha kërkoi vijimësinë e qëndresës dhe mori përgjigje pozitive nga qytetarët.

Pas kësaj, militantë të Partisë Demokratike ngritën çadrën e qëndresës përpara kryeministrisë. Deri këtu duket gjithçka normale, e vlerësues si protesta ashtu edhe qëndresa.

Por, ajo çfarë u pa gjatë mbrëmjes ishte ana tjetër e medaljes së protestës. Në çadër, çuditërisht filloi muzika, tallavaja. Në rrjetet sociale dhe në media shikoheshin protestues që hidhnin valle a thua se kishin shkruar për dasëm dhe jo për protestë.

Protesta dhe qëndresa e tyre është një fakt që duhet vlerësuar si një akt qytetarie, por mesazhi i saj nuk mund dhe nuk duhet të shkojë apo të përcohet përmes valleve dhe tallavave. Një protestë të tillë dhe vallja që hidhet mund të ketë brenda edhe parimin e ish-diktaturës komuniste ?Ne në gojë të ujkut hedhim valle?.

Kjo protestë nuk mund të ketë mesazh vallen në gojë të ujkut apo tallavanë. Qëndresa e demokratëve dhe e drejta e tyre legjitime për të kërkuar zgjedhje të lira dhe të ndershme duhet të përçohen me një mesazh edhe më të fortë dhe më serioz. Rezistenca dhe ngujimi nuk mund të quhen sakrificë dhe nuk do të vlerësohen nga kundërshtari në rast se mesazhet do të përcillen nga tallavaja.

Ajo çadër duhet të jetë zëri i fortë i qëndresës qytetare,  e cila nuk mund të bëhet me valle dhe tallava./CityNews





Lajmet e fundit nga