web counter
LEXO PA REKLAMA!

SHKARKO APP

App Store
Google Play

E fundit!

x

“Kërcënon” deputeti i PD/ Edi Rama të japë dorëheqjen, ndryshe ...!

19 Shkurt 2017, 08:20, Aktualitet CNA

Deputeti i Partisë Demokratike, Aldo Bumçi, deklaroi se ka vetëm një mënyrë për t?u larguar nga protesta, që sipas tij, janë zgjedhjet e lira e të ndershme.

Bumçi i kërkoi kryeministrit Edi Rama të krijojë kushte për zgjedhje të lira, si dhe të evitojë tensionet e trazirat. Duke folur për Ora Neës, deputeti i PD shtoi se Rama e ka humbur legjitimitetin e tij si kryeministër.

Ja çfarë thotë Bumçi:

Ne jemi të vendosur për këtë beteje. Ka vetëm një zgjidhje, e di që është e vështirë, Kryeministri ka në dorë një akt të krijojë kushte për zgjedhje të lira duke i hapur rrugë qeverisë teknike dhe të evitojë tensionet trazirat, sepse ai nuk do qëndrojë dot një ditë të vetme pa legjitimitet, asnjë ditë të vetme.

Ky kryeministër ka konsumuar mandatin e tij 4 vjecar, askush nuk e mohoi legjitimitetin e tij në 2013, ne njohëm legjitimitetin e tij. Pra nuk diskutohet që ne të vinim në dyshim të drejtën e tij për të qeverisur. Mënyra si ai ka qeverisur dhe zgjedhjet e 2015 na japin ne të drejtën që ai nuk organizon zgjedhje të lira dhe të ndershme dhe pyetja është: Me çfarë legjitimitetit do dalë qeveria 2017-2021.

Si mundet ky kryeministër që ndërkombëtarët e kanë izoluar, nuk ka integrim europian, dyert në Uashington i ka të mbyllura. Ky ka një akt në dorë, të krijojë kushte për zgjedhje dhe të largohet në mënyrë paqësore, përndryshe do jetë humbsi më i madh.

Ka një mundësi të japë dorëheqjen, të organizojë zgjedhje të lira dhe të ndershme dhe shqiptarët nuk i kanë borxh asgjë këtij kryeministri. Ky nuk do qëndrojë dot këtu. Gjithë ky popull nuk mund të qëndrojë sot duarkryq kur ky po i varfëron./CityNews





Lajmet e fundit nga