web counter
LEXO PA REKLAMA!

SHKARKO APP

App Store
Google Play

Edi Rama transmeton protestën live/ Ja çfarë shkruan

18 Shkurt 2017, 11:08, Aktualitet CNA

Partia Demokratike ka nisur protestën e saj përpara kryeministrisë për të kërkuar largimin e Edi Ramës.
Por, në këtë moment kryeministri Edi Rama ka postuar në rrjetet sociale pamje nga sheshi ku po zhvillohet protesta.

Ai shkruan se do të dëgjojë me respket, cdo shprehje të pakënaqësisë së pakicës, por thekson se nuk do të ndalet në përmbushjen e misionit për të bërë shtet.

Postimi i Ramës

Vetëm 6 vjet më parë, Ziveri, Hekurani, Aleksi, Faiku u vranë nga pushkët e shtetit të kapur prej pushtetit, pikërisht në bulevardin ku në këtë moment protestohet, pa gardhe telash me gjemba dhe asnjë frikë e trysni nga shteti. Prandaj s’mund të mos jemi sot krenarë, edhe për këtë ndryshim kaq rrënjësor në rrugën tonë për të bërë shtet, ku padiskutim ka rezistencë e pakënaqësia të natyrshme.
Është padyshim një rrugë shumë e vështirë. Reformat e vërteta nuk janë aspak të lehta, madje shpesh janë operacione mjaft të dhimbshme. Por s’ka asnjë të ardhme të sigurt për vendin, shoqërinë, fëmijët tanë, pa i operuar me kurajo pjesët e kalbëzuara në vite të organizmit të shtetit. Shumica dërrmuese e shqiptarëve e kuptojnë këtë. Ata janë të vetëdijshëm edhe për vështirësitë, edhe për domosdoshmërinë e reformave.
Por s’ka dyshim se Shqipëria dhe shqiptarët e lënë 25 vjet në baltën e një tranzicioni të gjatë pa reforma, meritojnë vazhdimin me vendosmëri të tyre, e veçanërisht të reformës në drejtësi! E cila duhet zbatohet një orë e më parë duke filluar nga vettingu. Ne do të ndjekim e dëgjojmë me respekt, çdo shprehje pakënaqësie të pakicës, por nuk do të ndalemi asnjë minutë në përmbushjen e misionit tonë për të bërë shtet.
Ju uroj të gjithëve një fundjavë të mbarë!





Lajmet e fundit nga