web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen arsyet/ Pse e braktisën ushtrinë dy komandot e grabitjes në Rinas

15 Shkurt 2017, 11:06, Aktualitet CNA

Të tjera detaje janë zbuluar mbi dy autorët e bandës, që grabitjën 3.2 milionë eurot e BKT në afërsi të Rinasit. Bëhet fjalë për dy ish-komandot Ditjon Memlikaj, 31 vjeç, nga Tepelena, dhe Naim Avdylaj, 28 vjeç, nga Vlora. Neës 24 ka zbuluar arsyet pse ata janë larguar nga ushtria.

Avdylaj është larguar nga ushtria në 2011 pas një mase disiplinore për shkak të mungesave në punë, ndërsa Memlikaj është larguar për mbarim qëndrimi në gradë.

Ditjon Memlika, që ka shërbyer për një vit në Afganistan, mësohet të jetë njohës i mirë i blindave, pasi ka drejtuar mjete të tilla. Ndërsa Naim Avdylaj, kushëriri i tij njihet si frekuentues i rregullt i basteve sportive dhe kazinove.

Të dy komandot u arrestuan falë operacionit ?Patriot?, që vijon ende edhe për kapjen e dy prej 6 të dyshuarve si grabitës. Që prej mesditës së djeshme dhjetëra forca policie morën pjesë në operacionin nga ajri dhe toka, me kontrolle të shumta në banesa e biznese të personave të dyshuar në zonën e Vorës, Prezës e Farkës. Mësohet se policia ka sekuestruar sende të ndryshme në cilësinë e provave materiale gjatë këtyre kontrolleve, si dhe një shumë të konsiderueshme parash që grabitësi i kishin fshehur në kasafortën e një servisi makinash në Vorë, dhe të groposura brenda tenxhereve me presion në Vlorë. Hetimet dhe operacioni vijon deri në kapjen e 2 pjesëtarëve të shpallur në kërkim./CityNews





Lajmet e fundit nga