web counter
LEXO PA REKLAMA!

SHKARKO APP

App Store
Google Play

E fundit!

x

Gati udhëzimi/ Basha nuk do kandidojë kryetarët e degëve për deputetë

15 Shkurt 2017, 10:53, Aktualitet CNA

Partia Demokratike nuk do të kandidojë kryetarët e degëve të saj për deputetë.

Burime nga selia blu thanë për CityNews se kryetari i Partisë Demokratike Lulzim Basha, ka gati udhëzimin për ti hequr mundësinë kryetarëve të degëve të kandidojnë për deputetë.

Sipas udhëzimit të ri, në rast se kryetarët e degëve aspirojnë për tu ulur në karrigen e Kuvendit, ata duhet të japin dorëheqjen nga posti aktual.

Të njëjtat burime theksuan për CityNews se udhëzimi po mbahet në konfidencë dhe pritet të dalë pas protestës së opozitës më 18 shkurt.

Ashtu si në zgjedhjet lokale, PD ka vendosur të ndajë rolet në parti dhe të mos lejojë që të njëjtët individë të mbajnë dy postë, atë të kryetarit të degës dhe deputet.

Këtë veprim e ka kryer më herët edhe Partia Socialiste me anë të një udhëzimi të nxjerrë nga kreu i saj Edi Rama.

Për PD dhe PS, heqja e dy funksioneve në parti është kryer me qëllim të organzimit sa më efektiv të punës.

Shumë prej kryetarëve të degëve, pasi zgjidheshin deputet, linin pas dore punët e tyre dhe tashmë ata do të fokusohen vetëm në detyrën që ata zgjedhin të bëjnë.

Udhëzimi pritet të dalë pas protesës dhe po mbahet në konfidencë.

Si në zgjedhjet lokale, do ndalohen të kandidojnë.  NJë formë tjetër që paraqet udhëzimi është edhe zgjedhja me dorëheqje. Pra krerët e degëve dorëhiqen nga funksionet në parti për tu zgjedhur deputetë. Kjo aleternativë është dhënë për të mundësuar disa kryetarë që nga basha mund të preferohen në listat e deputetëve, si rasti i Oerd Bylykbashit në Durrës./CityNews





Lajmet e fundit nga