web counter
LEXO PA REKLAMA!

SHKARKO APP

App Store
Google Play

E fundit!

x

Deputetët e PS zbulojnë “sekretet”/ Veliaj-Tahiri asnjë shans të marrin drejtimin e partisë

15 Shkurt 2017, 08:10, Aktualitet CNA

Socialistët i shuajnë shpresat Saimir Tahirit dhe Erion Veliajt, për të marrë drejtimin e Partisë Socialiste. Dihet që Tahiri dhe Veliaj janë dy rivalë që po punojnë fort për të marrë PS, pas largimit të kryeministrit Edi Rama. Këtë e pohoi dy ditë më parë dhe ish-deputeti socialist, Koço Kokëdhima, në një aktivitet të tijin, i cili ka qenë pjesë e familjes socialiste, dhe është në dijeni të paktën për disa fakte brenda partisë.

Deputetët socialistë kanë pohuar se Tahiri dhe Veliaj nuk kanë asnjë shans për të marrë drejtimin e PS, pasi kryeministri Edi Rama është i suksesshëm dhe është në kulmin e karrierës së tij. I pyetur nga gazeta Sot, deputeti Namik Kopliku u shpreh shkurt, se dyshja në fjalë kanë 0 % shanse për të marrë drejtimin e partisë. Deputeti Bujar Çela u shpreh se sipas statutit të partisë, kryetarin e zgjedhin, kështu që Veliaj dhe Tahiri nuk kanë shanse të votohen nga socialistët si kryetarë të PS. ?Në Partinë Socialiste ka një fenomen: nuk vetëzgjidhesh, të zgjedhin!?, u shpreh deputeti Çela.

Ndërsa deputeti Andrea Marto tha se nuk ka arsye për të folur për pasues, pasi Rama do të fitojë zgjedhjet e 18 qershorit dhe do të vijojë të jetë kryeministër. ?Rama është kryeministër dhe nuk ka vend për diskutime të tilla. Jam i bindur se fiton edhe zgjedhjet e 18 qershorit dhe për rrjedhojë, nuk ka arsye për të folur për pasues të tij?, tha Marto. Në të njëjtën linjë ka qenë dhe deputeti Sadri Abazi. ?Edi Rama është në kulmin e karrierës së tij, dhe si mund që dikush të vijë t?i zëjë vendin?! Nuk kemi kohë të merremi me këto gjëra, sepse jemi të angazhuar me punë më të rëndësishme?, tha Abazi./CityNews





Lajmet e fundit nga