web counter
LEXO PA REKLAMA!

SHKARKO APP

App Store
Google Play

Benzinë në trup nënës/ Arrestohet korçari i dënuar më parë

13 Shkurt 2017, 17:15, Aktualitet CNA

Policia e Korçës ka arrestuar një 32-vjeçar, i cili ka tentuar të djegë nënën e tij, duke i hedhur benzinë në trup. Ngjarja ka ndodhur pas një konflikti për motive të dobëta.

Mësohet se ka rënë në pranga shtetasi Emiljan Tushini, 32 vjeç, banues në Korçë (i dënuar më parë për veprat penale: ?Vjedhja? dhe ?Plagosje e lehtë me dashje?).

Ngjarja:

Arrestimi i tij u bë pasi më datë 13.02.2017, në lagjen nr 8 në Korçë, në banesë dyshohet se ky shtetas pas një konflikti për motive të dobëta me nënën e tij shtetasen M. T., 52 vjeç, i ka hedhur kësaj të fundit lëndë djegëse (benzinë) në trup dhe më pas i ka vënë flakën.

Për pasojë shtetasja M. T., ka pësuar djegie trupore dhe është transportuar për ndihmë mjekësore në Spitalin Rajonal të Korçës, ku ndodhet nën kujdesin e mjekëve.

Emiljan Tushini është larguar menjëherë nga vendi i ngjarjes, por falë veprimeve të shpejta e të mirëkoordinuara të shërbimeve policore, u bë e mundur kapja dhe arrestimi i tij, si i dyshuar për veprën penale : ?Vrasja për shkak të marrëdhënieve familjare, e mbetur në tentativë? parashikuar nga nenet 79/c dhe 22 të Kodit Penal.

Materialet proceduriale iu referuan Prokurorisë të Rrethit Gjyqësor Korçë, për hetime të mëtejshme./CityNews





Lajmet e fundit nga