Soros nis lëvizjet për kapjen e KLGJ e KLP/ Fondacioni pjesë e garës për organet e reja

12 Shkurt 2017, 07:50, Aktualitet CNA

George Soros duket se nuk ka ndërmend të ndalet. Pasi financoi pjesën më të madhe të reformës në drejtësi dhe hartoi ligjet, miliarderi i njohur tashmë ka nisur përpjekjet për të marrë nën kontroll anëtarët e shoqërisë civile që do të jenë në dy organet e reja që parashikohen të ngrihen nga reforma në drejtësi, Kolegji i Lartë Gjyqësor (KLGJ) dhe Këshilli i Lartë i Prokurorisë (KLP). Në këto institucione të reja do të ketë përfaqësues edhe nga shoqëria civile dhe anëtarët do të zgjidhen nga organizatat që operojnë në vend.

Pranë institucionit të Avokatit të Popullit, që është organi kompetent, tashmë janë paraqitur shoqatat që kanë shprehur interes për “Anëtarë të Komisionit të Shoqërisë Civile”. Por ajo që bie në sy është se shumica financohen nga vetë George Soros shkruan SOT. Mes gjashtë organizatave të shoqërisë civile që kanë shprehur interes është edhe shoqata që njihet zyrtarisht si e Soros, Fondacioni Shoqëri e Hapur për Shqipërinë, por interesantja është se edhe disa nga të tjerat në listë janë përsëri të financuara nga ai. Në këtë mënyrë Soros po tenton të ketë njerëzit e tij edhe në këto institucionet e rëndësishme të drejtësisë si KLGJ dhe KLP.

Në fund të procesit do të jetë Avokati i Popullit që do të kryejë verifikimet për aplikimet për Anëtarë të Komisionit të Shoqërisë Civile në Këshillin e Lartë Gjyqësor si dhe në Këshillin e Lartë të Prokurorisë. Deri tani kanë shprehur interes 7 organizata të shoqërisë civile që në pjesën dërmuese janë të Sorosit. Konkretisht emrat e organizatave që kanë shprehur interes janë : Fondacioni ?Grupi i të Drejtave të Njeriut?; TLAS; Fondacioni Shoqëri e Hapur për Shqipërinë; Shoqata e të Verbërve të Shqipërisë; Qendra Europiane; Biblioteka Kombëtare e të Verbërve si edhe Instituti Kombëtar i Ekspertizës së Personave me Aftësi të Kufizuar (IKEPAK).

Ndërkohë më herët Avokati i Popullit ka bërë publike edhe kriteret që duhet të plotësojnë kandidatët që kanë interes. Ndër kriteret kryesore përmendim disa. Së pari, kandidatët të jenë të regjistruar sipas legjislacionit përkatës; të punojnë në fushën e sistemit të drejtësisë ose të të drejtave të njeriut në organizatat përkatëse si edhe të kenë zbatuar projekte në këtë fushë të paktën 5 vitet e fundit në vend.