web counter
LEXO PA REKLAMA!

SHKARKO APP

App Store
Google Play

Pse Ilir Meta nuk e kalon Vettingun?

11 Shkurt 2017, 15:41, Aktualitet CNA

Kreu i LSI deklaroi sot se nuk kishte frikë nga Reforma në Drejtësi. Ilir Meta, i cili ishte edhe penguesi i saj kryesor për një kohë të gjatë theksoi se ka politikanë që nuk e kalojnë Vettingun.

Meta është i qartë dhe kërcënues. Ai flet hapur dhe tregon se kolegët e tij nuk e kalojnë vettingun. Ai luan me letra të hapura dhe sulmon pa u ndalur në një moment delikat. Përplasjet me Ramën, vendimi për të dalë mundësisht i vetëm në zgjedhje, presioni i Amerikanëve dhe BE, por e rëndojnë shumë pozicionin e kreut të LSI. Ai kërcënon publikisht me mesazhin se mund të marrë me vetë kë të mundet.

Në Shqipëri shumë politikanë nuk e kalojnë Vettingun, por kryesori ndër ta është Ilir Meta. Jo sepse kështu na pëlqen ne, por sepse faktet janë të tilla.

Ilir Meta është pas një skandali qindra mijë euro, me Dritan Priftin, një çështje e mbyllur pas disa skenarësh me gjykatën. Ekspertët e çështjes u emëruan drejtorë, mjafton një hetim dhe Ilir Meta del lakuriq, jo i dobësuar por i shëndoshë siç ka qenë në 2010 apo 2011.ilir meta 21

Një tjetër çështje e denoncuar publikisht është mesazhi 200 mijë euro nga numri i Metës, një numër i vjetër i tij drejtuar një biznesmeni.

Çështja ÇEZ ka një emër, ai është Kastriot Ismailaj nga pas i vjen Ilir Meta. Ky i fundit deklaroi se nuk e njihte, por Citynews publikoi videon ku Meta e Ismailaj hidhnin valle.

Këto janë 3 fakte konkrete, ka edhe të tjera plot, që bashkë me Ilir Metën zhytin në llum edhe ish-ministrat e tij Edmond Haxhinasto dhe Nasip Naco, kur kanë drejtuar ministrinë e Ekonomisë por edhe atë të Transporteve. Pa folur për drejtorët që i ka hajdutë me çizme kudo.

Ilir Meta është i sinqertë, flet për vetting, për politikanët, kërcënon duke e ditur se i pari që nuk e kalon është ai dhe banda e tij politike që e ka emrin LSI./CityNEWS





Lajmet e fundit nga