web counter
LEXO PA REKLAMA!

SHKARKO APP

App Store
Google Play

8 tonë drogë kaluan nga Durrësi/ Befason policia: Shqipëria nuk është e përfshirë!

11 Shkurt 2017, 20:05, Aktualitet CNA

Policia e Shtetit ka reaguar për sasinë e madhe të drogës që u kap mbrëmjen e kaluar në Itali. Mediat italiane raportuan për kapjen e 8 tonë kanabis, si dhe arrestimin e një 38-vjeçari, i cili drejtonte kamionin me drogë të nisur nga Durrësi.

Por, në reagimin e saj 24 orë pas këtij raportimi, policia shqiptare ka befasuar, duke thënë se Shqipëria nuk është e përfshirë as në njerëz dhe as në mjete. Por, ky reagim hedh dyshime të forta se si arriti 8 tonë drogë të kalonte në Portin e Durrësit pa u vënë re nga policia.

Ja reagimi i policisë:
Policia italiane ka konfirmuar që në lidhje me një artikull që ka qarkulluar në media për sekuestrimin e 8 tonë lëndë narkotike në Venecia, Shqipëria nuk është e përfshirë as në njerëz e as në mjete.
Konfirmimi vjen nga DCSA, Drejtoria Qendrore e Shërbimit Antidrogë. Hetimi është sekret dhe ndiqet nga tre Prokurori në Itali.
Nuk mund të jepen të dhëna të tjera mbi hetimin për shkak të sekretit hetimor, por konfirmojmë që nuk ka të përfshirë nga pala shqiptare. Organizata kriminale është e drejtuar nga shtetas të maqedonisë.
Policia e Shtetit mbetet nga partneret më të fuqishëm të policisë italiane në luftën kundër trafiqeve në përgjithësi dhe të trafikut të lëndëve narkotike në veçanti./CityNews





Lajmet e fundit nga