web counter
LEXO PA REKLAMA!

SHKARKO APP

App Store
Google Play

E fundit!

x

Minatorët e bllokuar/ Dëmtohet sistemi i ventilimit, ndërpriten kërkimet

4 Shkurt 2017, 21:49, Aktualitet CNA

Autoritetet kanë ndërprerë kërkimet në minierën e Bulqizës ku kanë mbetur të bllokuar 3 minatorë. Shkak për këtë është bërë prishja e sistemit të ventilimit.

Mësohet se  në ndihmë kanë ardhur ekipet e Avari-Shpëtimit specialistët e RISHMIT, Eksperti kriminalistik, specialistë të rendit dhe të krimeve në Komisariatin e Policisë Bulqizë, si dhe përfaqësuesit e kompanisë “Alb Chrome”.

Rreth orës 18.30 tre Inxhinierë të RISHMIT, sëbashku me dy oficerë për hetimin e krimit në Komisariatin e Policisë Bulqizë dhe ekspertin Kriminalistik janë futur në brendësi të galerisë deri në nivelin e 5-të. Nivel ky, ku fillon gryka e pusit 21.

Inxhinierët dhe oficerët e policisë e kanë patur të pamundur të vijojnë lëvizjen në brendësi të pusit pasi vijonte rrjedhja e gazit në sasi të mëdha.

Nga kqyrja paraprake e kryer në grykën e pusit rezulton se si pasojë e shpërthimit të gazit ishte prishur sistemi i ajërimit dhe ventilimit, si dhe bazamenti anësor i pusit. Ndodhur në këto kushte inxhinierët dhe grupi hetimor janë kthyer mbrapa duke dalë nga galeria.

Në galeri po punojnë specialistët e RISHMIT për të rregulluar sistemin e ventilimit dhe të ajërimit si dhe për të larguar dheun e shembur duke rregulluar kavon dhe bazamentin e pusit.

Kërkimet për gjetjen e tre kryespecialistëve kinezë do rifillojnë në momentin kur të jetë riparuar sistemi i ventilimit.





Lajmet e fundit nga