web counter
LEXO PA REKLAMA!

SHKARKO APP

App Store
Google Play

E fundit!

x

Basha: Rama nuk ndahet dot nga krimi. Kryebashkiaku i dënuar, i plotfuqishmi në krye të PS

4 Shkurt 2017, 16:41, Aktualitet CNA

Kryetari i Partisë Demokratike, Lulzim Basha shprehet se kryebashkiaku i Kavajës, Elvis Roshi, i dënuar për përdhunim dhe trafik droge, mbetet i plotfuqishmi i PS në Kavajë.

Përmes një deklarate për mediat, Basha thekson se dalja e tij në krah me ministrin është skandal dhe shkatërrim i procesit të dekriminalzimit.

?Elvis Roshi i dënuar në Itali dhe Zvicër për përdhunim dhe trafik droge, me mandat të hequr si pasojë e ligjit të dekriminalizimit, mbetet i plotfuqishmi i Edi Ramës në krye të Partisë Socialiste të Kavajës dhe de fakto në krye të bashkisë së qytetit.

Dalja e tij krah për krah me Arben Ahmetajn si drejtues i fushatës zgjedhore në Kavajë është skandal politik dhe shkatërrim i procesit të dekriminalizmit. Me veprimin e tij, Edi Rama e ka bërë zero përpjekjen e mundimshme të opozitës e partnerëve ndërkombëtarë dhe vullnetin e popullit për hartimin dhe zbatimin e ligjit të dekriminalizimit.?, shprehet Basha

Më tej, kreu i PD thekson se kjo është një dëshmi që Rama nuk ndahet dot nga krimi. Sipas tij, kjo është arsyeja që Rama nuk e do votimin dhe numërimin elektronik.

?Kjo është një tjetër dëshmi se Edi Rama nuk ndahet dot nga krimi. Nuk ndahet dot nga trafikantët dhe droga. Prandaj nuk e e do votimin dhe numërimin elektronik. Sepse kështu nuk e ndihmon dot as ai krimin, as krimi atë. Zgjedhjet e lira janë fundi i krimit në politikë. Më #18Shkurt#NgrihemiBashkë për t?i prerë rrugën krimit në politikë.? përfundon Basha





Lajmet e fundit nga