web counter
LEXO PA REKLAMA!

SHKARKO APP

App Store
Google Play

Në ndjekje të skafit me drogë/ Policia jep detaje: Gjatë operacionit u kap një tjetër mjet

4 Shkurt 2017, 20:22, Aktualitet CNA

Policia e Shtetit ka dhënë detaje nga ndjekja e një skafi me drogë, ku mendohet se janë sekuestruar 2 ton kanabis. Gjatë ndjekjes së skafit, policia ka arritur të pikasë një skaf që vinte nga Italia, ku në bord ndodheshin 2 shqiptarë të arrestuar.

Burime nga policia bëjnë me dije se falë një bashkëpunimi të shkëlqyer mes Policisë së Shtetit, Guardia di Finanza në Shqipëri dhe Itali ,  Frontex dhe Policisë Greke,  u bë e mundur të ndalohet një skaf me 4 motorë dhe me sasi të konsiderueshme lënde narkotike.

Të njëjtat burime theksuan se pas 6 ore ndjekje nga ana e forcave të policisë të tre vendeve me mbështetjen e avionëve të Frontex,  arritën të bllokojnë skafin oqeanik.

Tre personat që ndodheshin në  bord janë ende ne kërkim pasi kanë arritur të largohen duke shfrytëzuar errësirën dhe terrenin e vështirë.

Policia sqaron se lënda narkotike është akoma duke u mbledhur pasi ishte hedhur në det.

Operacioni nisi rreth orës 14:00 datë 03.02.2017 dhe për kapjen e tij u mirorganizua dhe u krye një operacion shumë palësh me pjesmarrjen e forcave e mjeteve të PKM, Rojes Bregdetare  Shqiptare, Guardia di Finanza dhe Rojes Bregdetare të Korfuzit ku pas rreth 6 ore ndjekje u bë e mundur kapja e skafit në Karaburun.

Duke përfituar nga errësira, tre personat që gjendeshin në skaf, për ti shpëtuar kapjes së Policisë, e hodhën lëndën narkotike në det dhe u larguan duke u fshehur në pyll.    Vijon puna për kapjen e tyre dhe grumbullimin e lëndës narkotike.

Gjatë ketij operacioni, në perëndim të Sazanit u kap edhe një gomone e cila dyshohet se vinte nga Italia për tu ngarkuar me lëndë narkotike në vendin tonë.

Në bordin e gomones u kapen shtetasi shqiptar A.Gj, 54 vjeç nga Vlora dhe shtetasi italian F. P. 39 vjeç nga Brindizi.

Nga Policia po punohet për kapjen e personave të larguar dhe zbardhjen e mëtejshme të  dy rasteve.

 





Lajmet e fundit nga