PS kërkon të marrë “ish-Hotel Dajtin”

3 Shkurt 2017, 10:57, Aktualitet CNA

Partia Socialiste është duke kërkuar një seli të re. Godina aktuale ku ajo ndodhet duket se nuk i plotëson nevojat që kërkojnë funksionarët e saj. Një godinë e vjetër e ish-Komitetit të Partisë të Tiranës është selia e socialistëve, që tani pas demokratëve kërkojnë të kenë një godinë të re.

Socialistët do përpiqen për të marrë si seli godinën e ?ish-Hotel Dajtit?, i thanë burime zyrtare nga selia rozë CityNews. Ky është një hap që tashmë është hedhur, pra nuk është vetëm një mendim, por një veprim që do konkretizohet së shpejti.

Burime të CityNews deklaruan se qeveria kërkon të marrë sërish ?ish-Hotel Dajtin?, pasi kjo pronë shtetërore ndodhet nën administrimin e Bankës së Shqipërisë, që prej vitit 2010. ?Ish-Hotel Dajti? u ble nga Banka e Shqipërisë me shumën prej 50 milionë euro, e cila premtoi se do të bënte investime në të, por që nuk bëri asgjë.

Ndërkohë, burimet i thanë CtiyNews se ?ish-Hotel Dajti? fillimisht do t?i kthehet qeverisë, e cila më pas në një vendim të sajin mund t?ia kalojë PS, si rezidencë të tyre.
Preçedenti

Socialistët do veprojnë në të njëjtën mënyrë siç bëri ish-kryeministri Berisha në vitin 2013, kur ish-godinën e SHQUP me një vendim qeverie e kaloi në selinë zyrtare të Partisë Demokratike. Atëherë ky vendim u kontestua fort nga socialistët, për më tepër u deklarua se vendimi do të anulohej, por nuk po ndodh ashtu siç u premtua. Socialistët pritet ta përdorin si precedent për të siguruar ?ish-Hotel Dajtin? vendimin e Berishës së 2013-s, që i kaloi PD godinën e SHQUP.

Historiku
Hotel “Dajti” ka qenë një nga hotelet më të hershëm dhe luksozë të qytetit të Tiranës. Godina e Hotelit ndodhet në krah të majtë të bulevardit “Dëshmorët e Kombit”, shëtitorja kryesore e kryeqytetit.
I projektuar nga arkitektë italianë me famë, si Gherardo Bosio, dhe i pajisur me mobilim të dizajnuar në detaje nga Gio Ponti (që konsiderohet si babai i dizajnit modern evropian), për shumë vite Grand Hotel Dajti cilësohej si hoteli më luksoz dhe modern i Gadishullit të Ballkanit.

Hotel Dajti është vlerësuar si një nga simbolet e turizmit shqiptar, veçanërisht përpara viteve ’90-të, kur ai ishte ndalesa kryesore e të huajve që vizitonin Shqipërinë. Deri në vitin 1995, ndërmarrja Hotel “Dajti” ka qenë lider në fushën e hotelerisë dhe ka rezultuar me bilance mjaft pozitive.

Në kohën e ndërtimit, Grand Hotel Dajti vlerësohej për arkitekturën e tij unike. Ai kishte 85 dhoma, 124 shtretër, Restorant, Sallë Balloje dhe ambiente për Konferenca. Sipërfaqja e përgjithshme e territorit në të cilin është vendosur godina e ish-Hotel Dajtit është 8760 metra katror, ndërsa sipërfaqja nën objekt është 10240 metra katror./CityNews