E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Petrit Vasili presidenti i ardhshëm?!

31 Janar 2017, 09:41, Aktualitet CNA

Largimi i Ylli Manjanit nga posti i ministrtit të Drejtësisë ka sjellë rikthimin në kabinetin qeveritar të Petrit Vasilit. Krahu i djathtë i Ilir Metës, një nga njerëzit më të afër të tij, më besnik. Vasili ka qenë ministër i Shëndetësisë me Sali Berishëm, më pas nënkryetar i Bashkisë së Tiranës me Lulzim Bashën. Nga dje, ai është ministër i Drejtësisë i Edi Ramës.

Vasili është një nga figurat, që shpesh flitet se ka qenë njeriu që përpiqet të ç?tensionojë marrëdhëniet e Metës me Ramën, por është dhe një nga ata njerëz që beson se dy forcat e mëdha politike PS dhe PD duhet t?i luten LSI dhe duhet të shkojnë të mëdhenjtë tek ai. Për Petrit Vasilin LSI është një forcë e madhe tashmë, e cila mund të shkojë deri në 25 mandate deputetësh, nëse ruan trendin e dy zgjedhjeve të fundit.

Petrit Vasili është ministër i Drejtësisë, i vetmi në historinë e Shqipërisë që 48 orë para se të merrte detyrën e akuzoi kabinetin ku bën pjesë se policia që kontrollohet nga ministria e Brendshme fuste drogë në makinat e qeveritarëve dhe për këtë ata duhet të bënin kujdes. Pas këtij qëndrimi, Vasili emërohet ministër Drejtësie.

Mjeku që do drejtojë institucionin kryesor ligjor të vendit ndoshta është i vetmi në hierarkinë e partive politike shqiptare që mban një post të çuditshëm, të gjithë partitë kanë nënkryetar apo sekretar, Ilir Meta e ka zëvendëskryetar Petrit Vasilin. Nënkryetarët e Ilir Metës janë të tjerë, ndërsa Vasili zëvendëskryetar. Pra njeriu më i afërt dhe më i rëndësishëm pas Ilir Metës.

Vasili duket se është një person, i cili thjesht është dakordësuar nga Ilir Meta. Ka qenë vetë Edi Rama, i cili në telefonatën e tij me Ilir Metës, ka theksuar largimin e Ylli Manjanit dhe zëvendësimin e tij me Vasilin. Pra, Rama vetë kërkoi të fuste në kabinet një nga njerëzit më besnik të Ilir Metës, bashkëfshatarin e tij nga Vunoi, Petrit Vasilin.

Pse Petrit Vasili?

Zëvendëskryetari i LSI, i futur në kabinet me shpejtësi dhe megjithëse mjek në krye të Drejtësisë, shihet si kandidati i LSI për President. Ilir Meta e deklaroi publikisht se nuk do zgjidhej këtë herë President. LSI ushtron gjithnjë e më shumë presion për të marrë postin e presidentit të Republikës. Nga ana tjetër, kreu i qeverisë nxori emrin e Mimi Kodhelit, por lëvizja e tij e dy netëve më parë, duke çuar Vasilin te Drejtësia me propozim të tij personal dhe aprovim të Metës, tregon jo pak.

Petrit Vasili duket të jetë emri konsensual që Edi Rama e propozon, megjithëse është i LSI dhe Meta e pranon menjëherë. Vasili mund të jetë kandidati për president i Metës, që ka edhe konsensusin e Ramës. Me një karrierë politike të vazhdueshme, me eksperiencë, njeri që mund të mos kontestohet as nga opozita. Nga Drejtësia Petrit Vasili mund të jetë Presidenti i ardhshëm i Republikës.

Nga ky institucion në vitin 2012 doli një tjetër president, siç është Bujar Nishani. Zv/kreytari i LSI është një figurë politike që në postin e tij ka të gjitha gjasat që të jetë emëruar thjesht për një periudhë tranzitore për t?u zgjedhur më pas Kreu i Shtetit Shqiptar./CityNews