E fundit!

11:19 Aktualitet

Mbeti me gisht në gojë/ Spiropalit nuk i del e keqja, ja lëvizja kundër Ramës

Pasi u shkarkua nga çdo post i rëndësishëm dhe mebtei thje...

Meidani sulmon Ballën/Je naiv hokatar!

31 Janar 2017, 10:54, Aktualitet CNA

Denion Meidani i është përgjigjur deputetit socialist, Taulant Balla, i cili sulmoi Lulzim Bashën pas shkarkimit të Ylli Manjanit.

Balla shkruante në rrjetet sociale se kur shkarkohet një ministër Basha kërkon shpjegime pse u shkarkua, madje e merr dhe në mbrojtje.

Në lidhje me këtë, Denion Meidani i kërkon Ballës të mos bëjë rolin e naivit hokatar. Sipas Meidanit, Manjani u shkarkuar se ngriti zërin kundër qeverisë dhe opozita denoncoi shkarkimin e tij.

Ja reagimi i Meidanit:
Zoti Balla mos bëj rolin e naivit hokatar! Opozita denoncoi shkarkimin e ministrit të drejtësisë, sepse ai ngriti zërin dhe gishtin akuzues se qeveria dhe kryeministri janë të përfshirë, sipas tij, në veprime antiligjore e antikushtetuese. Sipas ish-Ministrit të Drejtësisë dhe atij të Mjedisit, policia, në jo pak raste, është e përfshirë dhe ka asistuar kultivimin e trafikimin e kanabisit. Përpos kësaj se ajo pjesë e korruptuar po përgatitet që të manipulojë procesin zgjedhor dhe të deformojë vullnetin e sovranit. Në situata të tilla, a nuk duhet që opozita të ngrejë zërin, madje të vejë kujën për këto denoncime. Të emetuara nga vetë gjiri i qeverisë, shkelje të tilla flagrante, po të jenë qoftë dhe vetëm 10% të vërteta, përbëjnë vepra penale dhe antikushtetuese? A nuk ka të drejtë opozita që të shqetësohet? A nuk duhet ajo që të paralajmërojë qytetarët dhe miqtë ndërkombëtarë? A nuk duket si tepër e vështirë që të ketë zgjedhje dhe zgjidhje me qeverinë aktuale?! Mos vallë mendohet që mund të mbulohet gjithçka me propagandë, trysni e frikë? Apo mund të vazhdohet akoma tallja me këtë popull, që e votë-besoi rilindjen për ndryshim e mirëqenie! Përkundrazi, në shumicën e rasteve, ndodhi e kundërta. Ju e grabitet e keqtrajtuat atë me reforma të kapura e masa korruptive?…
Pra, vallë mos duhet të heshtim teksa Ministri i Drejtësisë vë alarmin për kanabizim vendi, për koncesione me prapavijë abuzimin e korrupsionin, për sulm ndaj fjalës dhe mendimit të lirë? Vallë duhet të heshtim kur Ministri i Drejtësisë ngre gishtin tregues nga ngrehina politike dhe kupola e policisë së shtetit për mos veprim ndaj trafikut ndërkombëtar të narkotikëve dhe Eskobarëve të saj? Mos duhet vallë opozita dhe të gjithë qytetarët e përgjegjshëm ta kalojnë në heshtje një ngjarje të tillë? Apo, nuk ka gale, le të mbyllen sytë para çarçafëve të pisët të politikës qeverisëse, edhe pse të palarat e tyre po dalin në pah çdo ditë të javës?!…/CityNews