E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Ndërrimi i dollapëve mund të bëhet më thjesht

19 Janar 2017, 16:30, Lifestyle CNA

Ju ka ndodhur të gjithëve që të vazhdoni të dilni me sandale dhe fustanet e lehta verore me ndonjë triko përsipër vetëm e vetëm sepse ndërrimi i rrobave të stinës nga dollapët e kutitë ku i keni future është një nga ato punët e bezdisura që i shtyni me sot e me nesër. Nuk është punë që kërkon thjesht vetëm kohë të bollshme, por duhen dhe një sërë mjetesh për ta bërë këtë, ndër të tjera disa kuti dhe kontenitorë të ndryshëm, që nevijoten për të futur rrobat e vjetra deri në verën tjetër kur pjesën më të madhe të tyre do ta përdorni sërish. Gjithsesi, ka një mënyrë për ta bërë më me qejf: mjafton të mendoni që në vjeshtë kjo punë është më e thjeshtë se në pranverë, sepse rrobat e verës janë më të lehta dhe më të vogla. Pra kërkojnë më pak hapësirë dhe janë më të thjeshta për t?u fshehur.

Sa u takon kutive, këshillohet të merrni nga ato që çmontohen dhe bëhen të sheshta. Përpara se të nisni ndërrimin e dollapëve për vjeshtë, hapni vend mbi shtrat, pastroni dollapin, zbrazni sirtarët dhe vëzhgoni mirë të gjitha mobiljet që keni në shtëpi. Sa më shumë vend të kesh në dispozicion, aq më e thjeshtë do jetë të mbarosh punë.

Ndërsa zbrazni dollapin, bëni dhe një seleksionim të veshjeve. Nëse ka të tilla të vjetra, që nuk ju rrinë mirë, janë démodé, apo thjesht që nuk ju pëlqejnë, mirë është t?i hiqni qafe. Shumëkujt i vjen keq, ndërsa mendon të hedhë një xhaketë përshembull mendon se mund të kthehet sërish në modë apo të vishet prapë, duhet të bëjë një pyetje me vete: a e kam veshur ndonjëherë këtë sezon? Po të shkuarin? Dhe nëse kujton së paku një rast kur e ka nxjerrë nga dollapi dhe pastaj ka veshur diçka tjetër në vend të saj, atëherë kjo është një rrobë që nuk duhet më. Sigurisht që nuk duhen hedhur natën në plehra. Nëse nuk ju vjen ndërmend ndonjë i njohur që do ta donte dhe nuk njihni asnjë shoqatë që mbledh rroba të përdorura për ata që kanë nevojë, mund t?i lini diku pranë koshit të plehrave, në një vend të dukshëm.

Duke bërë këtë do keni më shumë vend dhe më pak veshje. Ato që nuk vishen në vjeshtë futen nëpër kuti. Në këtë mënyrë bëhet dhe ndarja njëherë e mirë e gardërobës së dimrit nga ajo e verës. Kjo e bën çdo vit shumë më të thjeshtë punën.

Përpara se të bëni këtë punë, mos harroni se të gjitha veshjet e verës që do fusni nëpër kuti duhet të jetë të lara ose të jenë çuar në pastrim kimik. Ndërkohë që seleksionimin mund ta bëni edhe me rrobat e vjeshtës e të dimrit: përzgjidhni dhe hiqini ato që nuk ju duhet, kështu do kenë më shumë hapësirë, edhe për të bërë ndonjë blerje të re.