web counter
LEXO PA REKLAMA!

SHKARKO APP

App Store
Google Play

E fundit!

x

Majko paralajmëron Serbinë: Shqiptarët kanë një të metë, janë më të aftë në luftë se sa në paqe!

16 Janar 2017, 12:38, Aktualitet CNA

Treni provokativ serb, që tentoi të futej në territorin e Kosovës me moton ?Kosova është Serbi?, ka trazuar ?gjakrat? mes vendeve fqinje.

Të revoltuar ndaj këtij veprimi nuk janë vetëm kosovarët, por edhe shqiptarët, të cilët kanë reaguar ashpër dhe denoncuar ngjarjen. Një reagim bombastik, deri në paralajmërim për luftë, është ai i deputetit socialist, Pandeli Majko.

Duke denoncuar ngjarjen e rëndë provokuese, Majko iu tregon serbëve të metën më të madhe kombëtare të shqiptarëve. Sipas tij, shqiptarët janë më të aftë në luftë se sa në paqe.

Ja reagimi i plotë i Pandeli Majkos:
Serbia nëpërmjet deklarimeve të presidentit të saj ka deklaruar se ?do të dërgojë ushtrinë? në Kosovë. Një deklarim i tillë ka kohë që nuk dëgjohet nga politika serbe. Kjo mënyrë sjellje pati pasojë gjakosjen e rajonit dhe dërgoi në Gjykatën e Hagës lidershipin e Beogradit.
Të thuash dhe të bësh, janë dy gjëra të ndryshme në politikë. Historia ja ka dhënë serbëve dhe shqiptarëve mësimet e saj.
Dialogu është opsion i zgjidhjeve europiane dhe ka raport me të vërtetën e paqes që duan kombet në rajon. Kjo e vërtetë fton gjakftohtësinë të kuptojë. Politikan nuk të bën lufta. E kundërta është e vërtetë. Trim nuk të bëjnë deklaratat e luftes. Kjo është po aq e vërtetë sa fakti se një tren nuk bëhet kishë me piktura fetare.
Të kuptuarit e luftës është akt dhe jo deklaratë. Kjo do pak mencuri në të kuptuar, e cila kombit serb, si rregull, nuk i ka munguar. Për më tepër, shqiptarët kanë një të metë kombëtare. Ata janë më të aftë në luftë se sa në paqe. Sigurisht./Citynews





Lajmet e fundit nga