E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Moti i keq/ Rama: Rrjeti i shpërndarjes së energjisë, pika më e dobët e vendit

15 Janar 2017, 16:39, Aktualitet CNA

Në komunikimin e përjavshëm javor, kryeministri Edi Rama foli për temperaturat e ulëta që përfshinë vendin gjatë ndërrimit të viteve. Rama tha se pika më e dobët e vendit tonë gjatë motit të keq mbetet rrjeti i shpërndarjes së energjisë elektrike. Sipas tij, kjo sepse kemi trashëguar një rrjet të vjetër dhe të amortizuar ku pothuajse në 80% ka moshën e elektrifikimit të vendit.

?Viti ka nisur me vështirësi për shkak të uljes së temperaturave. Cdo dimër, kur temperaturat ulen, pika më e dobët e vendit tonë mbetet rrjeti i shpërndarjes së energjisë. Kemi trashëguar një rrjet të vjetër dhe të amortizuar ku pothuajse në 80 % ka moshën e elektrifikimit të vendit. Pavarësisht investimeve masive në vitet e fundit, komunitetet në shumë zona rurale, në mënyrë të veçantë në zonat e veriut ku klima është më e ftohtë vazhdojnë të bien pre e shkëputjes së energjisë. Megjithatë, kjo periudhë e ndërrimit të viteve pati shkëputjet më të pakta të 26 viteve. ?, tha Rama

Më tej Rama vlerësoi edhe punën e Policisë së Shtetit ,për të cilën tha se shpërndau ndihma dhe ka shpëtuar jetë njerëzish.

?Edhe më i mirë ka qenë organizimi i Policisë së Shtetit, e cila shpërndau ndihmat dhe ka shpëtuar jetë njerëzish.?, vijoi kryeministri

Duke folur për rinisjen e shkollave, Rama siguroi nxënësit që mësojnë në shkolla të parindërtuara se nuk i ka lënë në harresë dhe se qeveria ka parashikuar fonde për të

?Ata që do të vazhdojnë mësimin në shkolla të parindërtuara i siguroj se nuk ju kemi harruar, po shumë më herët se vonë puna e qeverisë do të rinisë edhe në shkollën e tyre? tha ai

Kryeministri paralajmëroi se java që vjen do të shënojë sërish temperatura të ulëta. Ai tha se Shtabi i Emergjencave do të vazhdojë të jetë në krye të detyrës në përballimin e uljes së temperaturave.

?Ditë shumë të ftohta javën e ardhshme. Shtabi i emergjencave do të jetë në krye të detyrës në përballimin e uljes së temperaturave.? tha Rama