E fundit!

11:01 Aktualitet

Klodjan Braho mesazh të qartë politikës: Për SPAK të gjithë janë të barabartë para ligjit

Kreu i SPAK Klodjan Braho i ka përcjellë mesazhin e qartë ...

Jep dorëheqjen drejtoresha e VIP-ave/ Mediat heshtin

10 Janar 2017, 18:22, Aktualitet CNA

Drejtoresha e Tatimpaguesve të Mëdhenj, Mimoza Kalia ka dhënë dorëheqjen nga drejtimi i institucionit më të madh të kontrollit në Shqipëri. Dorëheqja ka nodhur në fund të dhjetorit dhe lajmi është raportuar nga ndonjë media periferike, por mediat e mëdha nuk e kanë raportuar.

Mimoza Kalia ka qenë ish-nëndrejtoresha e Përgjithshme e Tatimeve në qeverinë e ish-kryeministrit Sali Berisha dhe pas vitit 2013, me ardhjen e ?Rilindjes? në pushtet, Kalia mori drejtimin e institucionit që kontrollonte tatimpaguesit më të mëdhenj në Shqipëri, ku rezultojnë të jenë mbi 800 subjekte, të cilët kalojnë 250 milionë lekë xhiro vjetore për dy vjet rresht.

Mimoza Kalia fillimisht ishte një nga bashkëpunëtoret e ?pjeshkës së Rilindjes?, ish drejtoreshës së Tatimeve, Briseida Shehaj. Largimi i Shehaj nga drejtimi i tatimeve ka pasur një efekt zinxhir, i cili ka shkuar edhe tek njësia e Tatimpaguesve të mëdhenj apo siç quhet në zhargonin e përditshëm drejtoria e Vip-ave.

Citynews ka mësuar se dorëheqja e Kalias mësohet se ka ardhur pas përplasjeve të shpeshta me Drejtoreshën e Përgjithshme të Tatimeve, Vasilika Vjero.

Pas emërimit të Vjeros, mediat raportuan se do të kishte lëvizje të forta në strukturat e tatimeve, të cilat fillonin me drejtoritë rajonale, por shkonin deri në nivelet më të larta drejtuese të institucionit që mbledh taksat e shqiptaret.

Nuk dihen ende arsyet e përplasjes së Vjeros me Mimoza Kalinë, por mësohet se kanë qenë të shumta ankesat e bizneseve ndaj ish-drejtoreshës së VIP-ave.

Dorëheqja e Mimoza Kalisë ka ndodhur në ditët e fundit të vitit 2016. Lajmi nuk është raportuar nga mediat, por citynews po e sjell pa censurë. Ajo, në dorëheqjen e saj shkruan se largohet nga detyra për shkak të mosbashkëpunimit me Drejtoreshën e Përgjithshme të Tatimeve Vasilika Vjero.

Por, ende nuk ka një prononcim të saj apo drejtoreshës së Përgjithshme në lidhje me ?konfliktin? e tyre që ka ndodhur menjëherë pas largimit nga detyra të Briseida Shehaj dhe emërimit të Vasilika Vjero në krye të Tatimeve./citynews