web counter
LEXO PA REKLAMA!

SHKARKO APP

App Store
Google Play

E fundit!

x

Korçë/ Akulli mbulon rrugët dhe trotuaret (FOTOT)

7 Janar 2017, 14:32, Aktualitet CNA

Mjaftuan disa orë reshje dëbore dhe Korça të kthehet në pistën më të madhe të patinazhit, ndoshta në Ballkan.

Janë pastruar vetëm disa nga rrugët kryesore, pjesa tjetër e qytetit është e mbuluar me akull.

Mjetet e Bashkisë dhe firmave të pastrimit ndërhynë ditën e parë për hapjen e rrugëve kryesore, por vetëm kaq. Gjithçka u la në harresë. Rrugët janë të mbuluara nga akulli dhe prej ditës së djeshme nuk po hidhet asnjë lopate kripe apo skorje.

Siç e shikoni edhe ne fotot e mëposhtme akulli ka pushtuar rrugët dhe trotuaret. Disa nga fotot janë edhe në krah të Bashkisë te qytetit.

Fotot janë në akse kryesore në hyrje të Korçës, tek ish stacioni i furgonave, tek shëtitorja Fan S. Noli etj.

Gjendja në rrugët e qytetit duket alarmante dhe ende pritet  kriposja e tyre apo hedhja e skorjeve.

Fotot e mëposhtme janë në akset kryesore të qytetit, ndërkohë rrugicat me kalldrëm janë mbuluar me akull dhe në disa pjesë të tyre janë pastruar nga vetë banorët.

Mungesa e pastrimit të rrugëve është një ritual që përsëritet nga Bashkia e Korçës, e cila në situatë emergjence nuk reagon, ndërhyrja është e vonuar dhe më pas detyrohet të nxjerrë punëtorët me kazma të thyejnë akullin edhe pse zhvillohen tendera per mirëmbajtje dhe pastrimin e rrugëve nga dëbora./citynews





13:00 Aktualitet

Viber sjell risi

Për të gjithë përdoruesit e Viber tani vjen një lajm i mirë,...

Lajmet e fundit nga