Reduktoni rrudhat poshtë syve

6 Janar 2017, 20:30, Lifestyle CNA

Unë personalisht kurrë nuk e kam pasur problem idenë e paraqitjes së rrudhave kur të bëhem e vjetër, por nuk e prisja që t?i shoh kaq shpejtë! Tani që po i vërej rrudhat në fytyrën time më shpesh, nuk po arrij të gjej mënyra natyrale për të mbajtur lëkurën të shëndetshme.

Një nga trajtimet e mia të preferuara për reduktimin e rrudhave është rekomandimi nga një shoqe e imja, nëna e së cilës e ka përdorur gjatë kohë. Ja si funksionon.

Çfarë shkakton rrudhat?

Gjatë procesit natyral të plakjes, lëkura jonë kalon nëpër 3 ndryshime të mëdha:

Qelizat e lëkurës ndahen më ngadalë, duke shkaktuar hollimin e shtresës së dermisit.

Shtresa më e thellë e lëkurës lëshohet, e cila prek çdo shtresë tjetër.

Gjëndrat yndyrore tkurren, duke zvogëluar mbrojtjen që e ofron yndyra në lëkurën tonë.

Ky proces i plakjes mund të ndodhë parakohe gjatë ekspozimit të tepërt ndaj diellit. Rrezet ultravjollcë të diellit dëmtojnë kolagjenin tuaj, ndërkohë që trupi juaj reagon me rindërtimin e fibrave të kolagjenit, ajo liron radikale të lira gjatë procesit, që edhe më tej dëmtojnë qelizat tuaja. Kjo është arsyeja pse duhet të përdorni rregullisht krem për mbrojtje ndaj diellit dhe të konsumoni ushqime antioksiduese që të mbani lëkurën sa më të freskët dhe të shëndetshme.

Shkaqe tjera për paraqitje të rrudhave të parakohshme janë edhe toksinat nga mjedisi juaj dhe veçanërisht tymi i cigareve. Konsumi i një diete të mirë ushqyese, ushtrimet e rregullta janë disa nga gjërat që mund të bëni për lëkurën tuaj.

Si mund ta rregulloni këtë?

Mënyra më e mirë për të parandaluar rrudhat është të largoni zakonet e këqija në radhë të parë, të rivendosni yndyrnat e shëndetshme për lëkurën tuaj si dhe të nxitni qeliza të shëndetshme të lëkurës përmes antioksidantëve. Nëse lëkura poshtë syve është e fryrë apo e dëmtuar, mund të inkorporoni përbërës anti-inflamatorë gjithashtu.

Ky krem i bërë në kushte shtëpiake përmban vetëm tre përbërës: Vitamin E, vaj esencial të trumzës dhe vaj kokosi. Vitamina E është një antioksidantë fantastik që ndihmon kundër radikaleve të lira të dëmshme. Vaji i virgjër i kokosit e mban të hidratuar lëkurën dhe flokët si dhe poashtu shërben si anti-inflamator. Vaji esencial i trumzës është një antioksidant, mund të jetë edhe si anti-inflamator.

Lexoni edhe këtë: Sa shpesh duhet t’a pastroni krehërin tuaj?

Receta për kremin natyral me tre përbërës

Ja çfarë ju nevoitet:

2 kapsula Vitaminë E (të shtrydhura nga kapsulat)

2 pika vaj esencial të trumzës

1 lugë çaji vaj kokosi

Çfarë të bëni:

Kombinoni të gjithë përbërësit dhe bëni masazh poshtë syve tuaj , duke pasur kujdes mos të keni asnjë kontakt me sytë tuaj. Pastroni sasinë e tepërt me një shtupë apo leckë pambuku. Aplikoni këtë trajtim çdo ditë 1-2 orë para se të shkoni në shtrat.

Përjashtim:

Vajrat esencialë janë me përqëndrim shumë të lartë dhe të fuqishëm andaj edhe është e rëndësishme që gjithmonë të kontrolloni të dhënat specifike të sigurisë së ofruar. Mbajeni larg nga fëmijët, pleqtë dhe kafshët shtëpiake. Vlen vetëm për përdorim të jashtëm. Shmangni kontaktin me sytë. Nëse ndonjë nga vajrat esencialë bie në kontakt me sytë, lani mënjëherë me një vaj perimesh, të tilla si vaj ulliri, jo ujë.

Disa vajra mund të shkaktojnë acarim të lëkurës tek personat që kanë lëkurë të ndjeshme. Rekomandimit të bëni ndonjë lloj testi para përdorimit, si psh. të hidhni ndonjë pikë në pjesë tjetër të lëkurës, si në anën e pasme të dorës suaj dhe ta leni për një kohë që të shihni se si reagon. Nëse vëreni ndonjë lloj skuqje apo irritim në lëkurë, pastrojeni me vaj ulliri pastaj me ujë të ftohtë dhe mos e përdorni vajin.