web counter
LEXO PA REKLAMA!

SHKARKO APP

App Store
Google Play

Ramush Haradinaj mesazh nga Franca/ Porosi për miqtë e Serbisë

6 Janar 2017, 12:04, Aktualitet CNA

Lideri i AAK-së Ramush Haradinaj me anë të një statusi në Facebook njofton të gjithë qytetarët se shumë shpejt do të takohet me ta në Kosovë.

Nga Franca, e cila vendosi ta lërë në burg, Haradinaj shkruan se është për të ardhur keq se si disa shtete, ende respektojnë vendimet e ish regjimit të Millosheviçit.

Ai ka një porosi për miqtë e Serbisë, brenda dhe jashtë Kosovës, duke theksuar se rrugën e shtetit të Kosovës nuk do mund ta ndalë askush.

Postimi i Haradinaj

Të dashur qytetarë të Kosovës,

Është për keqardhje se si disa shtete, ende respektojnë vendimet e ish regjimit të Millosheviqit, ndërsa plot shtete të tjera siç janë Gjermania, Austria e të tjerë, tashmë janë ndarë përfundimisht prej atij regjimi dhe nuk i zbatojnë ?poternicat? e tyre.

Ne si popull e si individë, nuk jemi trembur nga tanket e Millosheviqit e lere më nga fletarrestet e tij.

Kam një porosi për miqtë e Serbisë, brenda dhe jashtë Kosovës, ?Rrugën e shtetit të Kosovës, nuk do të mund ta ndalë askush?.
Nuk i kemi rënë në qafë askujt dhe nuk do të lejojmë të na bjerë në qafë askush!

Do të takohemi shpejt në Kosovë!

Juaji Ramush Haradinaj

 





Lajmet e fundit nga