web counter
LEXO PA REKLAMA!

SHKARKO APP

App Store
Google Play

E fundit!

x

Vetëvrasja e 22 vjeçarit në burg/ Babai: Për një cigare hashash në pranga, trafikantët të lirë

4 Janar 2017, 11:24, Aktualitet CNA

Prindërit e 22 vjeçarit që u vetëvra mbrëmjen e shkuar në ambientet e burgut të Rogozhinës, thonë se i biri i tyre u arrestua për një cigare hashash, ndërkohë që trafikantët e drogës janë të lirë.

Babai i Estref Halilit, Ardian Halili nga Kolonja e Lushnjës, shprehet se shteti i dha dënimin që ai nuk meritonte.

“Trajtimi nuk po them se është i keq. Shteti i dha dënimin që ai nuk meritonte. Ai i dha 5 vjet dënim për tre gram hashash që pinin tre shokë. Ai e kishte marrë përsipër. I kishin thënë se do të marrësh dënim akoma më të rëndë se e ke për së dyti. Policia dhe shteti duhet të kapë ata që janë me maune apo kamionë dhe jo këta që janë adoleshentë që marrin një cigare për ta pirë.

Dërgova djalin e madh. E mbajtën dy ditë në Fier, pastaj e çuan në Rrogozhinë. Ishte i mbyllur dhe nuk i kishte thënë gjë djalit të madh. Ai po merrte dënimin e dytë. Këto dënime nuk i meritojnë. Nuk kishte asnjë problem. Shkonte shumë mirë me shokët. Këtu e donin të gjithë. Bëri dy vjet e gjysmë burg. Kaloi paraburgime dhe përfitoi nga amnistia. Nuk ka mbushur vitin që doli.”,tha ai

Shtetasi Estref Halili, 22 vjeç, u gjet nga shokët e dhomës, i vetëvarur me xhaketën e tij.

Ai u dërgua në Spitalin e Rrogozhinës me parametra të ulët jetësor, por 15 minuta më vonë ka gjetur vdekjen.

I riu u arrestua në flagrancë më 22 dhjetor të vitit të shkuar në Lushnjë, pasi u kap me një dozë kanabis në automjetin e tij tip ?Volkswagen?.





Lajmet e fundit nga