web counter
LEXO PA REKLAMA!

SHKARKO APP

App Store
Google Play

E fundit!

x

Dy faktet pse Ilir Meta shkon në koalicion me Edi Ramën

4 Janar 2017, 11:55, Aktualitet CNA

Kreu i LSI Ilir Meta, fatin e tij politik e ka të lidhur me Edi Ramën. Në zgjedhjet e ardhshme koalicionit thjesht i ka ngelur formalizimi. Ilir Meta në qëndrimet e tij kërkon të tregojë se do shkojë tek ai që i lutet më shumë, por fati i tij politik është i paravendosur për dy fakte të cilat kreu i LSI-së i ka kryesoret në aksionin e tij politik. Votat dhe mandatet.

Votat. Në koalicionin me Edi Ramën, LSI dhe Ilir Meta do kenë më shumë vota se në vitin 2013, kjo jo vetëm si fakt i bashkimit me të majtën por edhe rrjedhjeve nga opozita për interesa klienteliste të pushtetit. Votat e LSI në koalicion me Ramën maksimalizohen, më vete janë shumë më pak, me Lulzim Bashën janë në minimum. Kjo sepse LSI si forcë e majtë politike mund të ketë një tjetër çarje si ajo e vitit 2009 kur kaloi në koalicion me Berishën.

Mandatet. Duke analizuar votat dhe përkthimin e tyre në mandate deputetësh lind një tjetër fakt që e çon Meten tek Edi Rama. Me maksimalizimin e votave duke tentuar te shkojë mbi 220 mijë LSI dhe kreu i saj kërkojnë të shkojnë mbi 20 mandate deputetësh. Në rast se LSI ruan votat e zgjedhjeve lokale të 2015 mandatet e deputetëve janë rreth 25. Në rast se del i vetëm LSI mund të shkojë nga 10-12 mandate dhe me Bashën disa më shumë.

Dy faktorët kryesorë për Ilir Metën për të ardhmen e tij politike janë votat dhe mandatet, këto të dyja e detyrojnë që të ?shtrëngojë? fort Edi Ramën edhe pse në opinion bën sikur kundërshton për çështje që ka reagim publik. Ilir Meta nuk mund të braktisë votat dhe të minimizojë mandatet e tij,  kjo do ta çonte LSI-në drejt një dobësimi të pandalshëm. Qëndrimi në koalicion, maksimalizimi i votave e bën Metën edhe më të fortë në lëvizjet e tij për të qenë faktori kryesor i politikës ku ?të mëdhatë? kthehen në vasale të ?të voglës?./citynews





Lajmet e fundit nga