web counter
LEXO PA REKLAMA!

SHKARKO APP

App Store
Google Play

E fundit!

x

Goditën policët me gurë/ Arrestohet një person, shpallet në kërkim vëllai

25 Dhjetor 2016, 14:53, Aktualitet CNA

Policia e Bulqizës ka arrestuar një person si dhe ka shpallur në kërkim vëllain e tij pasi kanë kundërshtuar dhe goditur me gurë forcat e rendit.

Burime nga policia bëjnë me dije se  salla operative e Komisariatit të Bulqizës, ka marrë njoftim që në unazën e qytetit Bulqizë ka ndodhur një aksident rrugor.

Menjëherë shërbimet e policisë kanë shkuar në vendngjarje ku kanë konstatuar një automjet tip “Benz”, me targa AA 479 LL, të përmbysur dhe të braktisur.

Nga veprimet e para të kryera  është identifikuar drejtuesi i automjetit shtetasi Bajram Tançi.

Shërbimet e Komisariatit të Policisë Bulqizë, kanë shkuar në banesën e shtetasit Bajram Tançi, ku ky i fundit sapo ka parë policinë së bashku me vëllain e tij Besim Tançi kanë kundërshtuar me forcë si dhe goditur me gurë njërin nga  punonjësit e policisë duke i shkaktuar dëmtime fizike  dhe më  pas janë larguar me  vrap.

Shërbimet e policisë u janë vënë në ndjekje ku kanë kapur dhe arrestuar  njerin prej vëllezërve për veprën “Kundërshtim i punojësit të policisë së rendit”,  shtetasin :

Besim Tançi, 50 vjeç banues në Vajkal Bulqizë, i dënuar më parë për veprën penale “Armbajtje pa leje”.

Si dhe u shpall në kërkim vëllai tjetër   që është dhe drejtuesi i automjetit shtetasi Bajram Tançi, 35 vjeç,  banues në Vajkal Bulqizë për veprat penale , “Kundështim i punonjësit të policisë së rendit”, “Drejtim i automjetit në gjendje të dehur apo pa dëshmi”, “Goditje për shkak të detyrës”, “Mosbindje ndaj punonjësit të policisë së rendit”.





Lajmet e fundit nga