web counter
LEXO PA REKLAMA!

SHKARKO APP

App Store
Google Play

E fundit!

x

Betejat e humbura të Bashës dhe përplasjet me ndërkombëtarët

24 Dhjetor 2016, 11:06, Aktualitet CNA

Kryetari i Partisë Demokratike, Lulzim Basha, ka zgjedhur të vazhdojë përplasjet me ndërkombëtarët dhe duket i vendosur për beteja të humbura politike.

Një betejë personale e kreut demokrat që prej muajsh kundërshton partnerët strategjikë të Shqipërisë. Basha bëri një rezistencë për miratimin e Reformës në Drejtësi, më pas procesin e Vettingut e çoi në Gjykatën Kushtetuese, disa ditë më parë çoi në Kushtetuese  edhe KLGJ dhe KLP, Këshilli i gjyqësorit dhe prokurorisë.

Veprimi më i fundit i Bashës është një tjetër levizje kundër ndërkombëtarëve, ajo bllokon SPAK, prokurorinë speciale e cila nuk mund të ndërtohet pa u themeluar me parë ligjërisht KLP dhe KLGJ.

Lulzim Basha në emër të PD po zhvillon një beteje më ndërkombëtarët, megjithse e shikon çdo çast se ata janë të vendosur  për zbatimin e Reformës në Drejtësi dhe  pa asnjë ngurim zhvillon edhe një lojë të pisët politike në emër PD.

Në asnjë rast vendimet për tu çuar ligjet e mësipërme në Gjykatën Kushtetuese nuk janë marë në mbledhjen e kryesisë apo të grupit parlamentar të PD,  i thanë disa burime zyrtare Citynews. Grupi thjesht vihet në dijeni si në rastin e parë, ku zhvillohet mbledhja dhe thuhet se materiali ështe çuar, pra  thjesht një njoftim. Ose në rastin e fundit të ditës të mërkurë ku në mbledhjen e grupit të PD diskutohej organizimi, fushata dhe zgjedhjet, Basha del tek gazetarët dhe thotë se kishte cuar PD zyrtarisht në Gjykatë Kushtetuese pjesë të tjera të Reformës në Drejtësi.

Dy raste që tregojnë se Lulzim Basha vendimet dhe levizjet për bllokimin e zbatimit të reformës i ka personale dhe jo të konsultuara. Ndoshta Basha ka të drejtë në qëndrimet e tij, por ato janë pjesë e veprimeve politike zyrtare të PD jo të një individi. Duhet të jenë të konsultuara dhe dikutuara, të paktën në kryesi për të shkuar më pas edhe në një përgjegjësi politike të PD. Kreu demokrat flet për hapje dhe parti europiane nga ana tjetër vepron i mbyllur dhe merr vendime personale por duke u perpjekur ti shpallë si vendime kolegjiale .

Citynews mësoi se në asnjë rast Basha nuk i ka konsultuar vendimet çuarjen e ligjeve të fundit në Kushtetuese me grupin apo kryesinë, për të marrë mendimin pro apo kundër, thjesht dhe vetëm i ka vënë në dijeni ose e kanë mësuar nga mediat. Nuk janë të pakta dhe rastet kur i është kërkuar të çojë ligje në kushtetuese dhe nuk i ka çuar, kujtojme Ligjin e Arsimit të Lartë.

Rasti i humbjes së fundit në Gjykatën Kushtetuese (Vettingu), nga ana e PD ka edhe një humbës me emër  dhe ai është Lulzim Basha. Por menjëherë sapo mësohet një humbje, shpallet një fitore, dhe ngrihet një tjetër betejë për tu humbur.

Të gjitha këto vendime dhe veprime personale të kreut demokrat Lulzim Basha që kanë sjellë përplasje me ndërkombëtarët, beteja të humbura dhe kosto politike janë pjesë e pasojave elektorale të Partisë Demokratike të cilat Basha nuk mund dhe nuk duhet ti faturojë tek partia. Ato janë beteja dhe dështimet e tij personale dhe veprime politike të pastudiuara që po i sjellin opozitës dëme të dukshme çdo ditë.

Vendimet Lulzim Basha merr vetë dhe krejtësisht personale ndërsa pasojat i kanë demokratët, PD dhe shqiptarët./Citynews

 





Lajmet e fundit nga