E fundit!

11:00 Denoncim

Dokumenti/ Familjarët e vrasësit të policit në Maliq përfituan fonde nga AZHBR

Vrasja e efektivit Enea Mekolli në krye të detyrës ka nxje...

Afera CEZ-DIA/ Dorëhiqen gjyqtarët e çështjes ndaj Kastriot Ismailajt

23 Dhjetor 2016, 17:49, Aktualitet CNA

Pas 10 muajve proces gjyqësor, tre gjyqtarët që po gjykojnë Kastriot Ismailajn, dorëhiqen nga gjykimi i të pandehurit.

Kërkesën për dorëheqje ia kanë dorëzuar kryetares së Gjykatës së Tiranës, e cila do të shprehet pro apo kundër kësaj dorëheqje.

Arsyeja, sipas gjyqtarëve është se i pandehuri ka humbur besimin tek gjykimi i tyre, raporton ABC News.

Tre gjyqtarët që po gjykojnë prej 10 muajsh të pandehurin Kastriot Ismailaj, kërkojnë të heqin dorë nga gjykimi i të pandehurit.

Vetë gjyqtarët, në seancën e radhës të zhvilluar në Gjykatën e Tiranës, njoftuan prokurorin dhe avokatin mbrojtës e të pandehurin, se i kishin dorëzuar kryetarit të gjykatës dorëheqjen nga gjykimi i çështjes.

Ata thanë se argumentet e përdorura në dorëheqje është fakti se i pandehuri ka humbur besimin te gjykimi i tyre.

Kjo, për shkak se në 5 raste, Kastriot Ismailaj ka kërkuar përjashtimin e gjyqtarëve të cilët po e gjykojnë atë për akuzën e ?mashtrimit me pasoja të rënda?, falsifikim të dokumenteve dhe ?pastrim të parave? në bashkëpunim.

Të 5-ta kërkesat për përjashtim, janë rrëzuar nga trupa tjetër gjykuese, por që vetë gjyqtarët e çështjes tashmë kanë krijuar bindjen se i pandehuri ka humbur besimin tek ata.

Për këtë fakt, tre gjyqtarët i dorëzuan dorëheqjen kryetares së Gjykatës, e cila pritet të shprehet për kërkesën e tyre.

Nga ana tjetër, procesi gjyqësor ndaj Kastriot Ismailajt ndodhet në fazën e pyetjes së dëshmitarëve të fundit të akuzës, në lidhje përfitimin me anë të mashtrimit nga kompania DIA të rreth 5 mln eurove.

Vetë Ismailaj, gjatë fazës hetimore dhe gjyqësore, ka mohuar akuzën duke pretenduar se ka pasur një marrëveshje kontraktimi me kompaninë çeke CEZ Shpërndarja, për mbledhjen e borxhit tek debitorë të ndryshëm.