web counter
LEXO PA REKLAMA!

SHKARKO APP

App Store
Google Play

E fundit!

x

BOJAXHI: RAMA SHKEL LIGJIN PËR FUSHATË PARA KOHE

19 Dhjetor 2016, 19:42, Aktualitet CNA

Pas konferencës për shtyp të kryeministrit Edi Rama mbi faljen e kamatvonesave për faturat e energjisë elektrike, reagon publikisht edhe Gjergj Bojaxhi, anëtar themelues i Partisë ?Sfida për Shqipërinë?. Përmes një deklarate për mediat, ai është shprehur se Kryeministri Rama po shkel ligjin.

“Ky veprim është ndërmarrë me vendim bordi dhe jo me dekret ligjor. Kjo shkon ndesh me procedurat e rregullta. Ndonëse zgjedhjet janë në muajin qershor të vitit të ardhshëm, kjo mesa duket nuk po e pengon Kryeministrin të fillojë fushatën para kohe, me fondet publike dhe në rrugë joligjore. Është e papranueshme që Kryeministri i vendit të injorojë procedurat e parashikuara në ligj,” thotë Bojaxhi.

Anëtari themelues i Partisë ?Sfida për Shqipërinë? shton se: “Qytetarët gjithashtu nuk mund të harrojnë lehtë presionin fiskal dhe trysninë e kontrolleve dhe thirrjeve për burgosje nga qeveria me një veprim të tillë elektoral. Ata dinë shumë mirë të bëjnë analizën e një veprimi të tillë. Përmes votës ata do të shprehen publikisht për punën e kryeministrit,? përfundon Gjergj Bojaxhi duke u shprehur se ?frika nga reagimit qytetar në zgjedhje e shtyn kryeministrin drejt të tilla veprimesh, të paligjshme?.





Lajmet e fundit nga